Kryeipeshkvi i Parisit, kardinali Vënt-Trua:flet për viziten e Benediktit XVI në Francë
(11.09.2008 RV)Mbi vizitën baritore
të Papës në Francë, të dëgjojmë kardinalin André Vënt-Trua, kryeipeshkëv i
kryeqytetit francez, në mikrofonin e të dërguarës sonë në Paris, Romilda Ferrauto:
Përgjigje:
– C’est évidemment pour nous un événement très important. D’abord, parce-que le Papa
vient… Natyrisht, për ne është një eveniment tepër i rëndësishëm. Papa
vjen në Francë për një ngjarje me peshë kombëtare, siç është kremtimi i 150-vjetorit
të dukjeve të Virgjërës Mari në Lurdë; e ky kremtim ka të bëjë, natyrisht, me shumë
francezë, por edhe me katolikët e mbarë botës. Në këtë kuadër, shtegtimi i Papës fiton
përmasën e vet të plotë. Me bujari të madhe, ai pranoi ta zgjatë këtë shtegtim me
një vizitë të shkurtër në Paris.
Pyetje: - Është,
pra vizita e parë e Benediktit XVI në Francë, pas zgjedhjes së Tij. Nganjëherë dëgjojmë
të thuhet se publiku francez, e edhe vetë katolikët, e njohin Papën pak e jo ashtu
si duhet. Ju, si mendoni?
Përgjigje: – Le cardinal Ratzinger est
venu souvent en France et il y a prononcé des discours très … Kardinali
Racinger ka ardhur shpesh në Francë e ka mbajtur fjalime shumë të rëndësishme, e nuk
është çudi t’u rikthehet në këtë seli. Por sigurisht një pjesë e bashkatdhetarëve
tanë e njohin figurën e tij vetëm përmes mediave, të cilat shpesh herë mundohen ta
shtrembërojnë, prandaj presin me kënaqësi ta shikojnë e ta dëgjojnë duke u folur
drejtpërdrejtë. E, krejt në kundërshtim me ata, që dëshirojnë të organizojnë fushata
keqdashëse, besoj se katolikët francezë – e sigurisht ipeshkvijtë e tyre – kanë një
lidhje të fortë jo vetëm me Selinë e Shën Pjetrit, por edhe me atë që kujdeset për
bashkimin kishtar në këtë çast.
Pyetje: - Përveç kremtimeve liturgjike,
në progamin e veprimtarive të Papës në Paris janë edhe dy çaste, që zgjojnë interes
të madh: takimi me botën e kulturës e ai me të rinjtë…
Përgjigje: - Il
ne faudrait pas isoler les événements parisiens de la visite du Papa de ceux de Lourdes,
car … Nuk duhen veçuar takimet pariziane të vizitës së Papës, nga ato
të Lurdës: në Lurdë ai do të takojë Konferencën ipeshkvnore, e kjo është një ngjarje
me rëndësi të dorës së parë; e pastaj, do të takohet me të sëmurët. Këto dy takime
janë tepër të rëndësishme për Kishën tonë. Por natyrisht që, si në Paris, ashtu edhe
në Lurdë, takimi i Papës me të rinjtë do të jetë një çast i fortë; e ne shpresojmë
se takimi i Atit të Shenjtë në tremen e Katedrales, do të jetë një ftesë e re, një
dërgim për mision; janë këta të rinj që përfaqësojnë gjallërinë e Kishës së sotme
të nesërme e, sipas dëshirës së Papës e të Kishës, janë të ftuar të marrin pjesë në
natën e lutjes, si dhe në procesionin ‘me qirinj ndezur’, që do ta përshkojë qytetin
në errësirën e natës, si simbol shprese, sepse të rinjtë janë dritë për shoqërinë
tonë. Përsa i përket fjalimit që do të mbajë Papa në Kolezhë de Bernardë, ai është
pjesë përbërëse e mirëfilltë e punës së tij baritore. Nuk është hera e parë që Ati
i Shenjtë shpreh interesimin e tij për dialogun ndërmjet fesë së krishterë e kulturës.
Ne, për të mos e zgjatur, na interesojnë dy çështje themelore. Nga njëra anë, a është
aq e besueshme rruga e besimtarit të krishterë, sa të mund të shprehet para arsyes
njerëzore, duke pasur parasysh zhvillimin e saj të vrullshëm? E nga ana tjetër: si
mundet arsyeja njerëzore e urtia, t’i ndriçojnë vendimet e njerëzve të sotëm, qofshin
besimtarë ose jo, të krishterë ose jo?
Përgjigjen e
këtyre pyetjeve, me të cilat përfundon intervista e Kryeipeshkvit të Parisit, shpresojmë
se do ta marrim duke ndjekur gjithë shtegtimin e Papës në Francë.