Shampanjë e festë për Big Bang 2. Nuk u formuan vrima të zeza.
(10.09.2008 RV)Prova e parë e akseleratorit më të madh të botës, Large Hadron
Collider në qendrën CERN të Gjenevës u prit me festë, duartrokitje dhe shmapanjë.
Një “ditë historike”, siç e quajti Robert Ajmar, drejtor i përgjithshëm i laboratorit
të fizikës së grimcave, që bëri të kalojë frika për një perspektivë apokaliptike.
Mendohej se eksperimenti do të shkaktonte një vrimë të zezë, aq të madhe e të fuqishme
sa të gllabëronte krejt botën. Për hir të së vërtetës, ndeshja më e rrezikshme ndërmjet
grimcave do të bëhet pas disa ditësh. Objektivi i shkencëtarëve është të riformojnë
kushtet pas Big Bang-ut, që ka krijuar Universin. Ata shpresojnë se do të materializohet
e ashtuquajtura “grimca e Zotit”, apo bozoni i Higsit, deri tani vetëm i hipotizuar.
Një pakicë shkencëtarësh kanë shprehur shqetësim për mundësinë e krijimit të anti-materies,
apo të vrimave të zeza. Sipas fizikanëve të CERN-it, një mundësi e tillë duhet përjashtuar.