Raketa ruse kundër Polonisë dhe Republikës Çeke. Brukseli sheh drejt Ukrainës
(10.09.2008 RV)Raketa ruse do të drejtohen kundër bazave amerikane në Poloni
e në Republikën Çeke, nëse Uashingtoni do të instalojë impiantin e mbrojtjes me raketa
në Evropën Lindore. Rusia – deklaroi Nikolai Solovcov, komandat i Forcave misilistike
strategjike ruse – “është e detyruar të marrë masa, në mënyrë që në çdo rast, të mund
të pengojë reduktimin e forcës sonë bërthamore”. Sistemi amerikan kundër raketave
parashikon masa të ndryshme mbrojtëse. Në veçanti, në Poloni, duhet të instalohen
bateri raketash në gjendje të njohin dhe shkatërrojnë raketa armike. Në Republikën
Çeke do të vendoset një sistem radarësh.
Bisedimet ndërmjet Bashkimit Evropian
dhe Ukrainës mbi marrëveshjen e asociim-stabilizimit do të përfundojnë në vitin 2009.
Kështu shkruhet në notën përfundimtare të mbledhjes Bruksel-Kiev që u zhvillua
dje në Paris, në praninë e presidentit francez , Nikolas Sarkozì dhe të kreut të shtetit
ukrainas, Viktor Jushçenko. Pas nënshkrimit, traktati duhet ratifikuar si nga vendi
që ka bërë kërkesën, ashtu edhe nga 27 vendet anëtare të Bashkimit Evropian.