Ngushëllimet e Papës për vdekjen e kardinalit Inoçenti. Të mëkurën, Mesha e dritës
në Bazilikën e Vatikanit.
(08.09.2008 RV)Benedikti XVI shpreh ngushëllimet për vdekjen e kardinalit Antonio
Inoçenti, që ndërroi jetë të shtunën e kaluar, në moshën 93 vjeçare. Në një telegram,
drejtuar së motrës së kardinalit, Papa kujton vitet e gjata të shërbimit të tij të
zellshëm ndaj Selisë së Shenjtë, si prefekt i Kongregatës për Klerin, si kryetar i
Komisionit për ruajtjen e pasurisë artistike e historike të Kishës dhe i Komisionit
‘Ecclesia Dei’. Kardinali Inoçenti – thekson Papa në telegramin e ngushëllimit - dha
dëshmi të çmuara të zellit meshtarak e të besnikërisë ndaj Ungjillit. Ati i Shenjtë
i siguron familjarët, miqtë e dashamirët se ndjehet pranë tyre në këto çaste të trishtuara. Mesha
e dritës për ish-prefektin e Kongregatës së Klerit, do të kremtohet të mërkurën e
ardhshme, në Elterin e Katedrës të Bazilikës së Vatikanit. Kremtimin do ta kryesojë
kardinali Sodano, dekan i Kolegjit Kardinalor. Në përfundim të Eukaristisë, Benedikti
XVI do t’u drejtojë fjalën të pranishëmve e do të kryesojë ritin e lamtumirës së fundit.
Me
vdekjen e kardinalit Inoçenti, Kolegji kardinalor numëron 193 kardinaj, nga të cilët
116 me të drejtë zgjedhore, 77 me të drejtë këshillimore, sepse mbi moshën 80 vjeç.