I hidhur lajmi i miratimit të kontracepsionit dhe abortit për vendet në rrugë zhvillimi
nga ana e Europarlamentit.
(05.09.2008 RV)Parlamenti i Bashkimit Evropian miratoi dje një rezolutë, përmes
së cilës mbështet praktikimin e parandalimit të shtatzanisë dhe abortin, si mjete
për mbrojtjen e nënës dhe të fëmijës ndër vendet në rrugë zhvillimi. 394 vota ishin
në favor, 182 kundër. Teksti kujton një nga objektivat e Mijëvjeçarit për vitin 2000.
Dokumenti, që bën fjalë për luftën kundër sëmundjeve, varfërisë e prapambetjes në
botë, u paraqit në kuadrin e Konferencës botërore të OKB-së, që do të mblidhet më
25 shtatorin e ardhshëm. Komisoni i Episkopateve të Bashkimit Evropian, i hidhëruar
për këtë lajm, shprehu shqetësimin e tij të thellë, sepse krahas anëve pozitive të
rezolutës, në emër të lirisë individuale, dhunohet një nga të drejtat themelore
të njeriut: e drejta për të jetuar! E sot, në festën liturgjike të Nënë Terezës,
nuk mund të mos kujtojmë jehonën që u bëri e Lumja fjalëve të Krishtit "Lërëni fëmijët
të vijnë tek unë!", kur u tha nënave që donin të abortonin: " M'i falni mua fëmijët
tuaj!". Shtëpitë e Nënë Terezës (e jo vetëm) në të gjithë botën i kanë edhe sot
e kësaj dite portat e hapura për të shpëtuar nënat nga mbytja e fëmijëve të tyre,
sepse, gjithnjë sipas Nënë Terezës, nga një nënë që mbyt fëmijën e vet, mund të presësh
gjithçka.