У Мінску на Кальварыйскіх могілках прайшло жалобнае набажэнства на магіле айца Яна
Матусевіча з нагоды 10-й гадавіны яго смерці.
Aйцец Ян стаяў ля вытокаў беларускага адраджэння, перш за ўсё - хрысціянскага. У
Грэка-Каталіцкім цэнтры імя Святога і Праведнага Язэпа (вул. Арджанікідзе, 6) адбылася
святая Літургія, якую разам з дэканам а. Андрэем Абламейкам саслужыла мінскае грэка-каталіцкае
духавенства.Айцец Ян Матусевіч — першы пробашч парафіі cвятога Язэпа (1948-1998).
Hарадзіўся 24 ліпеня 1948 г. у вёсцы Коменка Мінскай вобласці. Паходзіць з беларускай
праваслаўнай сям’і з уніяцкімі каранямі. Пасля заканчэння сярэдняй школы вучыўся на
рэжысёрскім факультэце Беларускага тэатральна-мастацкага інстытута. У 1972 г. па парадзе
свайго духоўнага айца ксяндза Яна Такарскага вырашае паступіць у праваслаўную духоўную
семінарыю ў Смаленску. У 1974-1979 гг., будучы праваслаўным святаром, працуе ў Смаленску,
а потым у мясцовасці Маркава каля Маладзечна. У 1979 г. далучыўся да Каталіцкага Касцёла.
З 1979 па 1999 гг. быў пробашчам у Барунах (Гродзенская дыяцэзія), дзе з 1988 г. пачынае
цэлебраваць святую Імшу на беларускай мове. Баруны становяцца месцам пілігрымаванняў
інтэлігенцыі з усёй Беларусі. Маладыя людзі, якія не былі ахрышчаны ў дзяцінстве,
жадалі прыняць сакрамэнт Хросту менавіта з рук айца Яна Матусевіча. 12 лістапада 1989
г. у Барунах уніяцкая моладзь і інтэлігенцыя прынялі ўдзел ва ўрачыстай святой Літургіі
з нагоды ўспаміну святога Язафата. Нягледзячы на тое, што службу айцец Ян цэлебраваў
у лацінскім абрадзе, гэтую падзею можна лічыць першай акцыяй мінскіх уніятаў.
З
1990 г. айцец Ян з’яўляўся пробашчам першай грэка-каталіцкай парафіі ў Мінску. Ім
быў асвечаны крыж у Курапатах, пастаўлены на месцы масавых расстрэлаў грамадзянаў
БССР у 30-я гг. Народным камісарыятам унутраных спраў. Быў сябрам Рады Таварыства
Беларускай Мовы ў Мінску з моманту яго заснаваньня. Айцец Ян, заўсёды адкрыты на дыялог
з праваслаўнымі і пратэстантамі, стаў адным з сузаснавальнікаў Беларускага біблійнага
таварыства, у якое ўвайшлі прадстаўнікі розных канфесій.
Протапрэзбітэр
Грэка-Каталіцкай Царквы на Беларусі памёр пасля цяжкай хваробы 2 верасня 1998 г. у
Мінску.