Кардинал Мартино: Христијаните не треба да бидат рамнодушни во однос на дискриминацијата
на Ромите
“Пред рамнодушноста и дискриминацијата, чии жртви се Ромите, Црквата не може да остане
бесчувствителна и рамнодушна”. Тоа го изјави кардинал Ренато Мартино, претседател
на Папскиот совет “ Справедливост и мир”, на отварањето на VI Светски конгрес за пасторална
дејност на Ромите којшто се одржува во Фрајзинг, Германија. До 4. септември пасторални
работници и експерти ќе ја обработат темата “Младите Роми во Црквата и општеството”.
“Црквата
– продолжува посланието на кардиналот прочитано од архиепископот Агостино Маркето,
секретар на истиот ватикански уред – ги повикува сите луѓе, а посебно христијаните
да ја извршат сопствената, а и општата одговорност во политичките кругови, за да биде
гарантирано целосното почитување на достоинството на секое човечко суштество”. Задача,
која ги очекува владите и меѓународните институции. “Не многу ретко – констатира кардиналот
Мартино – присувствуваме на одредена непопустливост и дволичност во односите на владите
пред кои не можеме да останеме неми”.
Кардинал Мартино изјави дека “државите
треба да го гарантираат не само економскиот, туку и целокупниот развиток на личноста”
и ги повика владите да ги потпомогнат образовните институции и прифаќањето на Ромите”
во училиштата и асоцијациите, кадешто, според нормите и правилата, се изградуваат
и развиваат “урамнотежени и одговорни личности” спремни да учествуваат во општествениот
живот. Медиумите, заедно со Црквата и државните институции, исто така имаат дел
од оваа задача – продолжи кардинал Мартино: “да го покажуваат на општеството вистинското
лице на ромското малцинство со неговите различни појави, коешто ќе помогне во искоренувањето
на предрасудите од умот и срцето кон нив”.
Силен повик за искоренување на “негативните
стереотипи” упати и архиепископот Агостино Маркето, секретар на Папскиот совет “Справедливост
и мир” во своето излагање за младите Роми, нарекувајќи ги “извор за Црквата и општеството”.
“Многу Роми се среќаваат со потешкотии во имањето потполн влез, во однос на еднаквоста,
на социјално и санитарно ниво, како и во сферата на живеалиштата, општествените услуги
и правото”, заклучи монс. Маркето. Според него за интеграцијата на младите Роми во
општеството е потребно “адекватно образование и достојна работа”.
Архиепископот
Маркето ја осуди ксенофобијата и насилството во однос на Ромите и ги повика владите
“да го гарантираат и олеснат правото на нивно полноправно учевство во општеството,
ако е можно, да бидат и националност”. “Отфрлени и со понижено достоинство – дополни
ватиканскиот претставник – Ромите имаат потреба од една жива Црква на заедништвото,
коешто може да се формира и да помогне во совладувањето на тешкотиите, коешто големата
политика не може да го направи”. “Потребно е “да се изградат мостови” и да биде “демонстрирано
поверение”, за да можат младите Роми да се почувствуваат “вистински учесници во нашите
Цркви”.
Еве ги и конкретните предлози на монс. Маркето во пасторалната дејност
на Црквата во однос на младите Роми: “создавање на поголем број црковни центри за
насочување на дејноста и културниот обем помеѓу младите Роми; “формирање на мешани
комисии помеѓу црковените и државните авторитети за “размислување во однос на проблемите
на соочување” и “програмирање на стратегиите на делување”. На крајот, побара од хуманитарните
организации и од Каритас да одобрат микрокредити за фамилиите и заедниците за користење
во склоп на нивната етниа”.