Në Afganistan vriten mbi 220 talebanë, ndërsa në Sri Lankë 42 kryengritës.
(01.9.2008 RV) Koalicioni ndërkombëtar i udhëhequr nga SHBA njofton se forcat
afgane dhe ndërkombëtare kanë vrarë mbi se 220 militantë në Afganistanin Jugor,
gjatë luftimeve katërditëshe të javës së kaluar. Koalicioni pohon se operacioni në
provincën e Helmandit filloi pasi që forcat afgane dhe ato të koalicionit ishin sulmuar
vazhdimisht nga militantët talebanë. Po kujtojmë se Helmand është një vendstrehim
i rëndësishëm i militantëve talebanë. Në luftimet e fundit në Sri
Lankë janë vra 42 kryengritës. Në luftimet më të reja mes forcave të sigurimit
në Sri Lankë e Tigrave të Tamilit janë vrarë 42 kryengritës, kanë bërë të ditur burimet
ushtarake. Në këto luftime, në veri të ujdhesës, janë vrarë gjithashtu edhe pesë ushtarë.
Kujtojmë se Tigrat e Tamilit po luftojnë tash 25 vjet për një shtet të ndarë për minoritetin
tamil. Në luftime deri më tani janë vrarë rreth 70 mijë njerëz.