У Рыме ўпершыню будзе прызначана прэмiя за апавяданне на гебрэйскую тэму.
У iтальянскай сталiцы будзе ўпершыню прызначана прэмiя “Вачамi апавяданняў”. Прэмiя
будзе ўручана пад час Мiжнароднага фестываля гебрэйскай лiтаратуры, якi пройдзе ў
Рыме з 20 да 24 верасня. У конкурсе могуць прыняць удзел аўтары кароткiх апавяданняў
на тэму, злучаную з гебрэйскiм светам. Пераможцы будзе ўручана прэмiя ў памеры 1.000
еўра, якая будзе ўручана пад час адкрыцця фестываля. Акрамя таго, дванаццаць лепшых
апавяданняў будуць надрукаваны ў адпаведным анталагiчным выданнi. “У Талмудзе
напiсана, што кожны мужчына павiнен за сваё жыццё нарадзiць сына, пасадзiць дрэва
i напiсаць кнiгу, - адзначылi iнiцыятары фестываля, - У пэўным сэнсе, размова iдзе
аб трох розных спосабах гарантаваць i захаваць наша iснаванне ў развiццi, у напаўненнi
сэнсам жыцця нашу планету, у стварэннi культуры, якая патрэбна нам самiм. Няма сумнiву,
што са згаданых вышэй трох патрабаванняў, да якiх гебрэi заўсёды мелi вялiкую павагу,
болей за ўсё iх прыцягвала трэцяя: пiсьменнiцтва”. У конкурсе могуць прыймаць
удзел людзi самага рознага ўзросту i нацыянальнасцi. Апавяданнi павiнны быць дасланы
ў арганiзацыйны камiтэт фестываля да 30 жнiўня. Вынiкi конкурса будуць аб’яўлены 10
верасня.