Sekretari i Shtetit të Vatikanit kard. Bertone shpreh shqetësimet për tensionin
që ka shkaktuar kriza gjeorgjane
(29.8.2008 RV)“Erërat e luftës së ftohtë ende nuk kanë kaluar dhe marrëdhëniet
ndërmjet lindjes dhe perëndimit po cënohen”. Me këto fjalë, Sekretari i Shtetit të
Vatikanit kard. Tarçizio Bertone shprehu shqetësimin e Selisë së Shenjtë për tensionet
ndërkombëtare lindur nga kriza gjeorgjiane duke folur me gazetarët në fund të meshës
së kremtuar në Shenjtnoren Zojës Sonë të Gerisonit në Kurmajër. “Politikanët, shtoi
Kard. Bertone, nga Valle d’Aosta ku gjendet me pushime, nuk i dëgjuan thirrjet e
Papës për t’u bërë ndërtues të paqes në emër të një interesi më të lartë. Mungoi dialogu
ndërfetar me popujt, por edhe dialogu me popujt, që jo gjithmonë kanë qenë të përfaqësuar
nga ata që i qeverisin.” Sipas Sekretarit të Shtetit të Vatikanit, për më tepër
“Lojërat Olimpike mund të kishinq enë një rast paqëtimi, sikurse e dëshmoi edhe përqafimi
simbolik ndërmjet dy atleteve të Rusisë dhe të Gjeorgjisë, por fatkeqësisht ato nuk
ndikuan tek qëllimet e konflikteve dhe të luftës.”