Сербскi выдаўца вырашыў спынiць продаж кнiгi аб прароку Мухаммедзе.
Сербскi выдаўца кнiгi аб жыццi прарока Мухаммеда, якая выклiкала негатыўную рэакцыю
ў мусульманаў, прыняў рашэнне аб зняццi рамана з продажу. Раман “Скарб Медыны”
– лiтаратурны дэбют амерыканскай журналiсткi Шэрры Джонс. У аснове яго сюжэта – узаемаадносiны
прарока Мухаммеда i яго жонкi Аiшы. Раней амерыканскае выдавецтва “Random Hous”
на неакрэслены тэрмiн адклала выданне згаданага рамана. Выдавец не рызыкнуў узбудзiць
незадаволенасць мусульманаў, рэлiгiйныя пачуццi якiх моглi б быць зняважаны трактоўкай
жыцця прарока i ягонай жонкi. Сербiя фактычна зрабiлася першай краiнай, дзе кнiга
паступiла ў продаж. За першыя два тыднi было прадана 600 экзэмпляраў рамана, аднак
выдаўца вырашыў спынiць продаж, на падставе тых самых прынцыпаў, што i яго амерыканскiя
калегi.