Benedikti XVI në salikimet e imzot Eger thekson dashurinë për fjalën e Hyjit e shenjtërimin
e së dielës.
(22.08.2008 RV)“Shembulli i tij është ftesë që i drejtohet secilit nga ne për
t’ia hapur zemrën Zotit”- me këto fjalë fillon letra e ngushëllimit shkruar nga Benedikti
XVI, në kujtim të ipeshkvit të Bolxano-Bresanones, Vilhelm Eger, salikimet e të cilit
u kremtuan dje pasdite në katedralen e qytetit. Tani ipeshkvi i ndjerë kapuçin,
vdekur nga infarkti të shtunën e kaluar, në moshën 68 vjeçare, pushon në paqe po
në katedrale. Qenë meshtarët e dioqezës së tij që e ulën arkivolin në varr dhe hodhën
mbi të grushtet e para me dhe, në përfundim të Meshës së dritës, që u bashkëkremtua
në gjuhën italiane e gjermane, kryesuar nga Patriku i Venedikut, Skola, në praninë
e shumë autoriteteve të tjera të larta kishtare e të 500 meshtarëve. Në letrën
e ngushëllimit, lexuar në fillim të ritit, Papa Benedikti XVI nënvizon miqësinë me
imzot Eger, mysafir i të cilit ishte gjatë pushimeve verore, dhe thekson dashurinë
e tij për Fjalën e Zotit e shenjtërimin e së dielës, që tani tingëllojnë si testament,
përmes të cilit ipeshkvi i ndjerë vijon t’i ftojë të gjithë besimtarët të venë në
qendër të jetës, takimin me Hyjin e dashurisë.