Kriza në Kaukaz:e drejta ndërkombëtare e matja e forcave
(20.8.2008 RV)Nato-ja kërkon një linje të përbashkët për zgjidhjen e krizës
në Kaukaz, tankat ruse fillojnë ta lënë Gorin. Nato-ja qëndrim të njëzëshëm kritik
ndaj Rusisë. Ministrat e Jashtëm të 26 Vendeve të Natos, të mbledhur dje në Bruksel
në takimin e jashtëzakonshëm mbi konfliktin në Kaukaz, kanë kritikuar Moskën duke
i kërkuar respektimin e planit të paqes e tërheqjen e plotë ushtarake nga Gjeorgjia:
“Asgjë nuk do të jetë më siç ishte më parë . Ne nuk jemi duke hequr dorë nga komisioni
NATO-Rusi, por u pajtuam se nuk mund të ketë shkëmbime të zakonshme në marrëdhëniet
tona me Federatën Ruse", tha Sekretari i Përgjithshëm i NATO-s, Jap De Hop Skefer.
Kremlini përgjigjet duke thirrur ambasadorin e vet të Aleancës atlantike për konsultime:
“Nato ka paragjykime e nuk është objektive, sidoqoftë edhe për ne është e pamundshme
që marrëdhëniet të kthehen siç ishin përpara”. Tensioni ndërkombëtar mbetët i
lartë. Pas takimit të djeshëm, Nato-ja mori qëndrim kritik ndaj Rusinë, por duke lënë
hapur portat e një dialogu të mundshëm, dialog që bëhët edhe më i vështirë pas vendimit
të që mori sot dhoma e lartë e parlamentit rus, e cila sot deklaroi se është e gatshme
të njohë pavarësinë e Osetisë së jugut e të Abkhazisë, nëse këtë e miraton presidenti
Dmitri Medvedev. Abkhazia i ka kërkuar sot Rusisë ta njohë pavarësinë së saj. Po kështu
ka deklaruar se do të veprojë edhe Osetia e Jugut.
Në anën tjetër Rusia ka
refuzuar edhe shqyrtimin e projektrezolutes mbi konfliktin në Kaukaz, në Këshillin
e Sigurimit të OKB-së. Sipas Kremtilit kjo projektrezolutë është në kundërshtim me
kërkesat e armëpushimit të ndërmjetësuar nga presidenti francez Nikolas Sarkozi. Projektrezoluta
ripohon integritetin territorial të Gjeorgjisë dhe i bën thirrje Rusisë të tërheqë
trupat ushtarake në pozicionet që kishte përpara konfliktit. Ndërkohë, Putin ka njoftuar
se ushtarët rusë në Gjeorgji do të tërhiqen në pozicionet që i kishin para fillimit
të luftës, deri të shtunën, e sot ka filluar tërheqja e trupave ushtarake ruse nga
Gjeorgjia, por sipas SHBA-së kjo nuk është shenjë e pmajftueshme e kërkon nga Rusia
të bëjë më shumë në këtë drejtim.
SHBA-së e Polonia kanë nënshkruar marrëveshjen
bilaterale për ndërtimin në Poloni të bazës antiraketore amerikane. Sekretarja
amerikane e Shtetit, Kondoliza Rajs e ministri i jashtëm polak, Radoslav Sikorsi,
kanë nënshkruar marrëveshjen sot në Varshavë. Marrëveshjen e ka kritikuar Moska e
cila ka ngritur tonet ndaj Varshaves.