Gjendet kompjuteri i Karaxhiqit. Mladiqi fshihet në Beograd
(12.08.2008 R V)Një kompjuter i vogël është gjetur në periferinë e Beogradit
në një çantë së bashku me 55 kompakt disqe, disa artikuj gazetash dhe dy libra. Mendohet
se çanta i përkiste Radovan Karaxhiqit. Këshilli për krimet e luftës po analizon gjurmët
e ADN-ë për të gjetur nëse me të vërtetë komjuteri i përkiste kriminelit të luftës
Karaxhiq. Ndërsa në lidhje me të shumëkërkuarin tjetër Ratko Mladiq, ministri i Serbisë
për bashkëpunimin me Gjyqin ndërkombëtar për krimet në ish-Jugosllavi Rasim Ljajiq,
tha se nga 2002 deri në 2005 Mladiqi është fshehur në struktura të ushtrisë në Beograd. Ministri
Ljajiq në një interviste për revistën e përjavshme gjermane “Spiegel” ka shtuar se
“shumë njerëz” e dinin se Mladiqi ishte fshehur nga ushtria, por kërcënimet për hakmarrje
dhe besimi i paktë te gjykata e Hagës, i kishiin shtyrë këta persona të heshtnin.
“Ndërsa në Beograd, përkundrazi, tha Ministri Ljajiq, kishte shumë pak njerëz që dinin
për vendndodhjen e Mladiqit. Radovan Karaxhiqi dhe Ratko Mladiqi, kanë qenë respektivisht
përgjegjësi politik dhe dorasi i masakrës së Srebrenicës, ku humbën jetën tetë mijë
myslimanë.