Rurbika radiofonike "365 ditë": "Ndjesa e Bonshamp apo falja e robërve të luftës".
(10.08.2008 RV)“Vdekje! Vdekje! Vdekje bluve, t’i qesim faret!”. Që më
1793, kur në Francë Konventa vendosi ta mbysë në gjak kryengritjen e Vandesë, të dyja
palët kryejnë krime të shëmtuara. Me ndonjë përjashtim të paktë. …. Siç ësht, rasti
i Anton dë Bonshamp, i radhitur përkrah ushtrisë katolike të mbretit. I plagosur për
vdekje në Sholè, mbartet, ashtu i gjakosur, në Sent Florâ, në brigjet e lumit Luarë.
Megjithëse u mundën, vandeasit, në shpartallim e sipër, ia dolën të kapin pesëmijë
uniforma blu, dmth ushtarë të Republikës. I mbyllën në një kuvend e tani gradojnë
topat, për t’i hedhur në erë, duke këlthitur plot urrejtje se kishte ardhur ora e
ahmarjes. “Vdekje! Vdekje! Bonashamp, që po jepte shpirt, i dëgjon i tmerruar
këto klithma. E urdhëron menjëherë të kushëririn, kontin Otishamp, të shkojë e të
kërkojë falje për blutë. Konti sulet në mes të turmës, jep urdhër t’u bien lodrave
e deklaron me zë urdhërues: “Të falen robërit e luftës!” Këtë e do Bonashamp!
Është urdhër i Bonashamp!”. Vandeanët nuk u besojnë veshëve. “Është dëshira
e Bonshamp!” – përsërit me këmbëngulje d’ Otishamp. Të gjithë vandeasit e respektojë
markezin Bonshamp, i cili i udhëhoqi disa herë drejt fitoreve: në Fontenej, në Torfu…
Njihej mirë për humanitetin e tij. U krijonte gjithnjë mundësi të reja kundërshtarëve,
duke i liruar robërit e luftës, pas premtimit për t’i thënë lamtumirë armës. Ndërmjet
vandeasve bie një heshtje e thellë. Nuk do t’i shkrehin topat. Blutë mund të dalin
nga kuvendi. Disa prej tyre, që shpëtuan nga vdekja, nuk dinë si të falënderojnë …
Por, krej papritmas, jehon një tingull daulleje e, menjëherë pas, lajmi: “Bonshamp
vdiq!”. Trupi i tij vendoset në një tezgë, i mbrojtur nga shiu prej një baladakini
të bardhë, mbi të cilin është qindisur një zëmbak e, mbi të, Zemra e Krishtit e e
Zojës së Bekuar.Revolucinarët nuk i shikojnë me sy të mirë blutë e liruar. “Duhet
ta harrojmë përgjithmonë këtë veprim fatkeq - mendon qytetari Merlin de Thionvilë,
i Komitetit të shpëtimit publik. Mendon se falja nga ana e Bonshamp, i çnderon ushtarët,
që nuk mundën të vdesin si martirë e si heronj. Sulmohet edhe e veja Bonshamp, sepse
përpiqet ta përjetësojë sjelljen e të shoqit. E ndihmuar prej atyre që shpëtuan nga
vdekja, gruaja ia del mbanesh të shpëtojë. I biri i njërit prej tyre, David d’Anzhe,
do ta skaliste gjestin e markezit në gur. Kjo vepër, që mund të admirohet në Kishën
e Sent–Flora-lë-Viej, e paraqet Markezin Bonshamp duke dhënë shpirt, me dorën shtrirë
drejt qiellit e me gojën gjysëm të hapur, që duket sikur përsërit në shekuj: “Falje
për robërit e luftës!”.