Дэкан калегii кардыналаў, былы Дзяржаўны сакратар Ватыкану, кардынал, Анджело Содано,
28 жнiўня асвяцiць новапабудаваны касцёл Узнясення Святога Крыжа ў г.Казанi. Аб гэтым
паведамiў бiскуп у Саратаве Клеменс Пiккель. “У маёй дыяцэзii гэта першы касцёл, пабудаваны
гарадскiмi ўладамi, за што я iм вельмi ўдзячны”, - сказаў бiскуп. Па ягоных словах,
у адрозненнi ад iншых рэлiгiйных аб’яднанняў Казанi, якiм былi звернуты старыя культавыя
будынкi, католiкi свой стары храм атрымаць назад не здолiлi – у iм цяпер знаходзiцца
лабараторыя Казанскага дзяржаўнага тэхнiчнага унiверсiтэта iмя Тупалева, а ў цэнтральным
нефе касцёла ўсталявана аэрадынамiчная труба. Гарадскiя ўлады прапанавалi католiкам
пабудаваць новы храм, i ў 1999 годзе выдзялiлi месца для яго будаўнiцтва ў цэнтры
горада. Па словах монс. Пiккеля, улады не толькi ўзвялi будынак, але i правялi
яго ўнутранае аздабленне, усталявалi вiтражы ў вокнах. “Я быў прыемна здзiўлены, калi
прадстаўнiкi мэрыi прапанавалi таксама i ўсталяваць арган”, - дадаў бiскуп. Парах
казанскай парафii святар Дыягенiс Уркiза заклiкаў католiкаў малiцца аб тых, “хто зрабiў
гэту радасную ўрачыстасць магчымай”. “Я шчаслiвы, што праз 150 гадоў з моманту
асвячання першага каталiцкага касцёла, закрытага i канфiскаванага ў гады атэiзму,
па Божаму Провiду ў Казанi зноў адроджанай парафii давялося яшчэ раз адчынiць дзверы
прыгожага новага будынку”, - адзначыў святар. Католiкi сярод жыхароў Казанi былi
ўжо ў XVIII° стагоддзi. Першымi казанцамi каталiцкага веравызнання былi немцы – чыноўнiкi
з прыбалтыйскай шляхты цi тыя, што паходзiлi з Германii i рамеснiкi. Каталiцкае насельнiцтва
горада i наваколля пачало хутка павялiчвацца пасля акупацыi Расейскай iмперыяй беларускiх,
лiтоўскiх i польскiх земляў. З гэтага часу немцы складалi толькi невялiкую частку
казанскiх вернiкаў. У лютым 1835 года ў Казань прыехаў першы каталiцкi святар
для сталага служэння. Першы касцёл тут быў асвячаны 1 лiстапада 1858 года. У 1927
годзе яго канфiскавалi. Наступны раз каталiцкая парафiя была зарэгiстравана ў Казанi
ў 1995 годзе.