Пад час Алiмпiйскiх гульняў у Кiтаi будуць цэлебравацца Святыя iмшы на розных еўрапейскiх мовах.

Кiтайскiя ўлады запэўнiлi, што пад час Алiмпiйскiх гульняў у галоўных хрысцiянскiх храмах Пякiну будуць служыцца Богаслужбы на французскай, нямецкай, гiшпанскай i iтальянскай мовах. Як iнфармуе прэса, афiцыйна прызнаная Пякiнская каталiцкая дыяцэзiя запрасiла ў кiтайскую сталiцу святароў з-за мяжы, каб у вернiкаў з розных куткоў свету была магчымасць мець душпастырскую апеку. Адначасова было сцверджана, што Кiтайская хрысцiянская рада надрукуе 100.000 экзэмпляраў Бiблii, якiя будуць распаўсюджвацца ў мейсцах правядзення алiмпiйскiх спаборнiцтваў.
У той жа час, ганконгскiя СМI паведамiлi, што з Пякiну быў высланы кiраўнiк Кiтайскага альянсу Цэркваў, пастар Цханга Мiндхуан. Лiчыцца, што гэта ёсць знакам камунiстычных уладаў таго, што кантакты духоўнага характару пад час правядзення Алiмпiйскiх гульняў будуць абмежаваныя.