Liderët fetarë marshojnë kundër varfërisë në qendër të Londrës.
(24.07.2008 RV)Sot 600 ipeshkvijtë anglikanë, pjesëmarrës në Konferencën e
Lambet, organizuan , në qendër të Londrës, një marshim, për të kujtuar sa urgjente
janë përpjekjet për shrrënjosjen e varfërisë në botë. Nisma ishte e kryeipeshkvit
të Kentërburit, doktor Rouan Uiljams, primat i Konfesionit anglikan, i cili gjatë
manifestimit. Prelati i dorëzoi kryeministrit britanik, Gordon Braun, një letër, përmes
së cilës vlerëson impenjimin e qeverisë në luftën kundër varfërisë e të pabarazisë,
por njëkohësisht shpreh dyshime serioze për mundësinë e gjysmimit të varfërisë brenda
vitit 2015 si dhe për arritjen në kohë të objektivave të mijëvjeçarit, miratuar nga
liderët botërorë në vitin 2000. Në çastin e dorëzimit të letrës, Primati anglikan
shoqërohej nga kardinali Kormak O’Konorr, kryeipeshkëv i Uestminsterit, kryerabini
Xhonatan Saks dhe nga autoritete islamike.