Бэнэдыкт 16 ў дарозе ў Сыднэй: прэсавая канфэрэнцыя на палубе самалёту
На палубе самалёту, згодна з традыцыяю, адбылася прэсавая канфэрэнцыя. Папа адказваў
на пытаньні, якія задавалі яму журналісты. Вось некаторыя з іх. Якое пасланьне
хоча перадаць маладым і ці праграма гэтага здарэньня яшчэ актуальная? Бэнэдыкт 16
прыпомніў, што галоўнаю тэмаю Сусьветнага Дня ёсьць Дух Сьвяты, які робіць маладых
сьведкамі Хрыста. Ёсьць гэта, затым, заахвочаньнем, каб у сьпелы спосаб жыць вераю,
ўздымаць ўсе забавязаньні ў адносінах да створанага сьвету, грамадзтва і жыцьця ва
ўсіх яго аспэктах. Сьвяцейшы Айцец зьвярнуў увагу, што Дні Моладзі зьяўлюцца ўвянчэньнем
доўгае дарогі падрыхтовак. Гэты этап: у тым пілігрымка крыжа і Іконы Марыі, маюць
вялікае значэньне. Гэта глыбокае дасьведчаньне, якое мае многа аспэктаў, і не можна
яго зводзіць толькі да цэнтральнага здарэньня, якім ёсьць сустрэча з Папам. Гэта
запэўнівае Сусьветным Дням Моладзі глыбіню ды трываласьць, дык іх формула не перастае
быць пастаянна актуальнай.
На пытаньне адносна сэксуальных злоўжываньняў
сярод духавенства, Папа паўтарыў тое, што вельмі ясна сказаў у часе падарожжа ў ЗША,
а менавіта, што Каталіцкі Касьцёл ў ніякім выпадку не зачыніць вочы на такія злоўжываньні.
Важным ёсьць, каб навучаньне Касьцёла ў гэтым пытаньні было ясным і адназначным.
Сьвяцейшы Айцец падкрэсьліў значэньне фармацыі духавенства, каб ніколі больш да такіх
злоўжываньняў не даходзіла. Ёсьць яшчэ вялікая патрэба душпастырскіх дзеяньняў,
якія бы служылі аздараўленьню ранаў у сьвятарстве ды таксама патрэба даваць душпастырскую
турботу ахвярам злоўжываньняў і іхнім сем”ям.
Апошняе пытаньне тычылася анліканскае
канфэрэнцыі ў Ламбэтг, якая пачнецца праз некалькі дзён: Што хацеў-бы пажадаць ў сувязі
з тым так важным здарэньнем Анліканскай Супольнасьці, якой пагражае разьбіцьцё і якая
перажывае сур”ёзныя ўнутраныя праблемы? Папа адказаў, што сам ён можа зрабіць для
канфэрэнцыі ў Ламбэтгу- гэта дапамога малітвай, каб тыя, якія там сустрэнуцца, змаглі
якнайлепш ўзьняць важную тэму вернасьці Эвангэльлю ў сучасным сьвеце. Усе хрысьціяне
павінны пачувацца адказнымі ў гэтым пытаньні і ўсе маюць зразумець, ў чым заключаецца
нашае забавязаньне ў даваньні хрысьціянскага сьведчаньня.”