Dje u shugurua meshtar i pari jezuit shqiptar i pasdiktaturës, diakoni Zef Bisha.
(06.07.2008 RV)Ishte një rit i paharrueshëm, prekës, simbol i vazhdimësisë
së lumnueshme të jezuitëve shqiptarë, ndërmjet të cilëve po mjaftohemi të kujtojmë
martirët Atë Gjon Fausti e Atë Daniel Dajani dhe dëshmitarët e Hyjit, Atë Pjetër Meshkalla
e Atë Anton Luli… Dje në katedralen e Vaut të Dejës, që mba emrin e Nënë Terezës,
Imzot Lucian Avgustini, ipeshkëv i Sapës, shuguroi meshtar diakonin Zef Bisha,
jezuiti i parë shqiptar i pas diktaturës. Bir i famullisë së Shën Nikollit, i rrethuar
nga sivëllezër, meshtarë, familjarë, miq e dashamirë, jezuiti i ri shpreh emocionet
e kësaj dite në mikrofonin e kryeredaktorit tonë, dom David Gjugjës: