365 ditë me njerëz e ngjarje që ia ndryshuan faqen botës: "Shekulli XVII në botën
e krishterë e më tej…".
(01.07.2008 RV)Shkëlqim i paparë,
pasuri kulturore, shenjtorë të mëdhenj, por edhe mjerim i jashtëzakonshëm. Jemi në
shekullin XVII. Në Itali, bazilika e Shën Pjetrit bëhet stoli e çmuar e krishtërimit. Në
Francë, Luigji XIII ia kushton vendin Zojës së Bekuar, duke falënderuar kështu, Zotin,
për fitoren e Korbjesë. Luigji XIV, Mbreti Diell, dëgjon me respekt të thellë predikimet
e Bosuesë. Në Japoni e në Vietnam, martirët e parë mbrojnë me guxim të jashtëzakonshëm
fenë në Krishtin. E në kontinentin e pafundmë amerikan, indianët uronë e irokezë
nisin të kthehen në fenë e krishterë. Misionarët me veladona të zinj, fillojnë
të vjelin frytet e para të punës ë tyre ungjillëzuese.