Urimi i Benediktit XVI në audiencën me Patrikun Bartolomeu I: “Viti kushtuar Shën
Palit i ndihmoftë të krishterët për ripërtëritjen e impenjimit ekumenik”.
(28.06.2008 RV)“Të vlerësohet trashëgimia e jashtëzakonshme teologjike e shpirtërore
e Shën Palit, për të fuqizuar impenjimin ekumenik”: kjo është thirrja që Papa u drejtoi
sot të gjithë besimtarëve, gjatë takimit me Patrikun ortodoks, Bartolomeu I. Ishte
një audiencë me domethënie të thellë ekumenike, natën e solemnitetit të Shenjtorëve
Pjetër e Pal, Pajtorë të Romës e pak orë para hapjes së vitit kushtuar Shën Palit,
në bazilikën e Apostullit jashtë Mureve, në të cilën mori pjesë edhe Bartolomeu I. Shën
Pali na tregon rrugën e sigurtë për ta ruajtur bashkimin e, në rast ndarjeje, për
ta rikrijuar”: në takimin vëllazëror me Bartolomeun I, Benedikti XVI vuri theksin
tek figura e Apostullit të Popujve, pak orë para hapjes së vitit Paolin, nismë – nënvizoi
Papa – që ka për qëllim thellimin e reflektimit mbi trashëgiminë teologjike e shpirtërore
që i la Kishës Shën Pali me veprimtarinë e tij të gjërë e të thellë ungjillëzuese.
Ati i Shenjtë uroi që: “Viti Paolin, që do të fillojë sonte solemnisht, ta ndihmojë
popullin e krishterë në ripërtëritjen e impenjimit ekumenik e të shumfishohen nismat
e përbashkëta në rrugën drejt bashkimit të të gjithë dishepujve të Krishtit”.