Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьвету. Была гэта 22-я сустрэча Бэнэдыкта 16-га з вернікамі
ў гэтым годзе. У сёньняшняй катахэзе Сьвяцейшы Айцец працягваў свой цыкл пра Айцоў
Царквы. Папа гаварыў аб Сьвятым Максіме Вызнаўцы. Пазнаёміў вернікаў з яго постацю
ды яго навучаньнем Гэты Айцец
Царквы нарадзіўся ў Палестыне каля 580-га году. Ад маладосьці жадаў жыць манашым
жыцьцём ды вывучаць Сьвятое Пісаньне. З Ерусаліму Максім перабраўся да Канстантынопаля
а ў часах варварскіх наездаў уцёк у Афрыку. Тут стаў славутым дзеля непахіснае абароны
артадоксіі ў навучаньні веры, асабліва ў пытаньні сапраўднае чалавечнасьці і сапраўднага
Боства Ісуса Хрыста. У 649-м годзе Максім прыбыў у Рым- сказаў далей Папа ў сваёй
сёньняшняй катахэзу- каб прыняць удзел у Лятэранскім Саборы. Насуперак забароны імпэрытара
ўздымаў тэалагічныя дыскусіі за што меў судовы працэс ды быў прыгавораны на абцяцьце
языка і правае рукі, каб не змог абвяшчаць ані запісваць сваіх перакананьняў. Затым
быў сасланы ў Цхевалі на Каўказе, дзе памёр у 662-м годзе. Належаў да найбольш
славутых хрысьціянскіх тэалогаў 7-га стагоддзя. На заканчэньне аўдыенцыі Сьвяцейшы
Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы
на ўсіх сваё Апостальскае Блаславенства.