(24.06.2008 RV)Në Meshën përfundimtare të Ditës Botërore të Rinisë, më 20 korrikun
e ardhshëm, në Sidnei pritet të jenë të pranishëm 500 mijë të rinj. Këtë njoftim e
jep drejtori operativ i DBR-së, Deni Kasei. Patëm parashikuar – i shpjegon Agjensisë
Sir - se do të kishim rreth 125 mijë shtegtarë të huaj e 100 mijë australianë. Të
huajtë janë regjistruar me kohë, që të mund të përgatiten mirë shpirtërisht për shtegtimin
e gjatë, i cili i sjell këtu, në takimin me Atin e Shenjtë. Mendonim se australianët
do të regjistroheshin vonë, ndërsa po vërejmë një rritje të vazhdueshme të numrit
të të rinjve, që shtojnë radhët në listat e pjesëmarrësve. Na mbush me shpresë entuziazmi,
që ndjehet fort në atmosferën e Australisë. Entuziazëm rinor, ngjitës… Tri javë para
ngjarjes së madhe - sipas Kaseit – është kapërcyer numri 225 mijë i të regjistruarve.
40 avionë do të fluturojnë drejt Sidneit, që do të përmbytet nga vërshimi i mijëra
të rinjve.