(14.06.2008 RV)Nesër është e diela XI e vitit kishtar. Në këtë ditë kremtohen
ndër të tjerë, shën Vito martir, shën Bernardi nga Mentone, kanonik i rregullt i shën
Agustinit dhe shën Gjermana Kuzin, virgjër. Ne jemi populli i Zotit, këndon Psalmi
i sotëm, grigja që Ai udhëheq.
Të hënën, më 16 qershor, kujtohen shën Kuiriku
dhe shën Gjulieta, martirë. Ejani tek unë, ju që jeni të lodhur e të shtypur, unë
do t’ju ushqej, thotë Zoti. Mësoni prej meje që jam i butë e me zemër të përvujtë.
Të
martën e javës së ardhshme festojmë shenjtorët Biaxho dhe Diogjeni, të dy martirë.
Mëshirë për ne o Zot, në mirësinë tënde të madhe shlyeji mëkatet tona.
Më
18 qershor, ditën e mërkurë, kremtohen shenjtorët Marku e Marceliani, martirë romakë.
E fortë është zemra e të drejtit, që shpreson në Zotin.
Të enjten, kalendari
i Kishës përkujton shën Romualdin, abat, themelues i Kamaldolezëve, shën Gjuliana
Falkonierin, virgjër, themeluese e Mantelateve dhe shenjtorët Gjervazo e Protazo,
martirë milanezë. Qielli shpall drejtësinë e Zotit e të gjithë popujt kundrojnë lavdinë
e tij.
Të premten më 20 qershor, bie festa e shën Silverit papë e martir.
Lum të varfërit në shpirt, sepse e tyre është Mbretëria e Qiellit.
Të shtunën,
Kisha Katolike kujton shën Luigj Gonzagën, jezuit, Pajtor i rinisë katolike. Jezu
Krishti, nga i pasur u bë i varfër, për të na pasuruar ne me varfërinë e tij.
Të
dielën e ardhshme është e diela XII e vitit kishtar. Shpirti i së vërtetës do të dëshmojë
për mua, thotë Zoti, e edhe ju jepni dëshmi.