(08.06.2008 RV)Sot kalendari liturgjik i Kishës kremtoi të dielën X gjatë vitit
e po sot përkujtoi edhe Shën Medardin, ipeshkëv i Nojonit. Përmes Fjalës së tij
Hyjnore të kësaj së diele, Zoti na mëson se kulti jonë i vërtetë duhet të bazohet
mbi dashurinë e përdëllimin ndaj të gjithë njerëzve, edhe ndaj atyre që nuk janë të
afërm me ne.
Nesër më 9 qershor, kalendari liturgjik i Kishës përkujton shën
Efremin, diakon e doktor i Kishës, shenjtorët Prekë e Feliçani, martirë;
Të
martën e ardhshme më 10 qershor, kalendari i Kishës përkujton shën Landerikun, ipeshkëv
i Parisit, shën Censurionin dhe të Lumët Diana de Andalò e Enriku i Bolcanos.
Të
mërkurën më 11 qershor bie festa e shën Barnabës, apostull. Po atë ditë përkujtohet
edhe shën Paola Frasineti.
Të enjten e ardhshme më 12 qershor, kalendari kishtar
përkujton shën Leonin III, papë, shën Onofrin, oshënar e shën Gaspër Bertonin;
Të
premten më 13 qershor, përkujtohet festa e shën Andout të Padovës, meshtar françeskan
e doktor i Kishës. Kjo festë kremtohet në mënyrë të jashtëzakonshme edhe nga shqiptarët,
siç dëshmojnë shumë Kisha e shenjtërore kushtuar këtij shenjti, prej të cilave po
përmendim dy shenjtoret më të njohura në trevat shqiptare: shenjtoren e Laçit në Shqipëri
dhe atë të Gjakovës në Kosovë.
Të shtunën e ardhshme më 14 qershor, kalendari
kishtar përkujton shën Elizeun, profet dhe shën Valerin e Rufinën.
Të dielën
e ardhshme më 15 qershor, bie e diela XI gjatë vitit kishtar e kalendari liturgjik
përkujton edhe këta shenjtorë: Shën Viton, martir, shën Bernardin e Mentones e shën
Gjermanën.