Прапануем вашай увазе чарговыя старонкi з Кампендзiума сацыяльнай дактрыны Царквы.
526 Сацыяльная навука дыктуе фундаментальныя крытэрыi пастырскай дзейнасцi ў сацыяльнай
сферы: абвяшчэнне Эвангелля, злучэнне эвангельскай весткi з сацыяльнай рэчаiснасцю,
планаванне дзеянняў, накiраваных на аднаўленне гэтай рэчаiснасцiпраз
прывядзенне iх у адпаведнасць нормам хрысцiянскай маралi. Новая эвангелiзацыя
сацыяльнай сферы патрабуе, перад усiм, абвяшчаць Эвангелле: Бог у Езусе Хрысце збаўляе
кожнага чалавека i ўсяго чалавека. Падобнае абвяшчэнне адкрывае чалавека яму самому
i павiнна зрабiцца прынцыпам тлумачэння сацыяльных рэалiй. У абвяшчэннi Эвангелля
сацыяльнае вымярэнне – iстотнае i неабходнае, няхай i не адзiнае. Яно павiнна паказаць
невычэрпальную плённасць хрысцiянскага збаўлення, хаця ж дасканалае i канчатковае
ўпадабенства сацыяльнай рэчаiснасцi Эвангеллю не можа адбыцца ў гiсторыi: нiякi вынiк,
нават самы выдатны, не выйдзе за межы чалавечай свабоды i не пазбегне эсхаталагiчнага
напружання, якое адпавядала б усяму створанаму. 527 Пастырская дзейнасць Царквы
ў сацыяльнай сферы павiнна быць перад усiм сведчаннем iсцiны аб чалавеку. Хрысцiянская
антрапалогiя дазваляе разбiрацца ў сацыяльных праблемах, якiм нельга знайсцi добрага
вырашэння, не баронячы трансцэндэнтны характар чалавечай асобы, якi ў поўнi адкрываецца
толькi ў веры. Сацыяльная дзейнасць хрысцiянаў павiнна абапiрацца на фундаментальны
прынцып першанства чалавека. Неабходнасць сцверджваць цэласную iдэнтычнасць чалавека
заахвочвае хрысцiянаў абапiрацца на вялiкiя каштоўнасцi, якiя кiруюць упарадкаваным
i плённым суiснаваннем: гэта iсцiна, справядлiвасць, любоў i свабода. Сацыяльнае пастырства
намагаецца таго, каб аднаўленне грамадскага жыцця праходзiла ў духу сапраўднай павагi
да гэтых вартасцяў. Царква, пры пасрэднiцтве свайго разнастайнага эвангельскага сведчання,
iмкнецца ўмацоўваць усведамленне таго, што дабро ўсiх i кожнага – гэта невычэрпальны
рэсурс для развiцця ўсяго сацыяльнага жыцця. в) Сацыяльная навука i фармацыя. 528
Сацыяльная навука – неабходны арыенцiр для цэласнай хрысцiянскай фармацыi. Настойлiвасць,
з якой Навучанне прапануе гэта як крынiцу натхнення для апостальства i для сацыяльнага
дзеяння, паходзiць з упэўненасцi ў тым, што гэта навука – ёсць выключна важным выхаваўчым
рэсурсам: “асаблiва верным свецкiм вернiкам, якiя ўдзельнiчаюць у разнабаковай i палiтычнай
дзейнасцi, абсалютна неабходна больш дакладна ведаць сацыяльную навуку Царквы”.
Гэта дактрынальная спадчына не выкладаецца i не ведаецца ў адпаведнай ступенi
– таксама i з гэтай нагоды яна не пераўтвараецца належным чынам у канкрэтныя дзеяннi. 529
Трэба больш поўна паказваць выхаваўчую вартасць сацыяльнай навукi ў дзейнасцi па
катэхiзацыi. Катэхiзацыя – гэта арганiчнае i сiстэматычнае выкладанне хрысцiянскай
навукi. Яна накiравана на тое, каб далучыць вернiкаў да поўнi эвангельскага жыцця.
Галоўная мэта катэхiзацыi – “увесцi чалавека не толькi ў кантакт, але i ў супольнасць,
у даверлiвыя адносiны з Езусам Хрыстом”, каб гэты чалавек здолiў адчуць дзеянне Святога
Духа, ад Якога паходзiць дар новага жыцця ў Хрысце. У гэтай перспектыве, катэхiзацыя
як служэнне выхаванню веры павiнна не абходзiць, але, наадварот, “тлумачыць
належным чынам… некаторыя рэалii – такiя, як дзейнасць чалавека дзеля яго цэласнага
вызвалення, iмкненне пабудаваць больш салiдарнае i братэрскае грамадства, барацьба
за справядлiвасць i мiр”. З гэтай мэтай неабходна прадставiць сацыяльную навуку ў
поўнi: яе гiсторыю, змест, метадалогiю. Непасрэднае чытанне сацыяльных энцыклiк у
царкоўным кантэксце ўзбагачвае ўспрыняцце i ўжытак навукi, дзякуючы ўкладу кампетэнтных
у разлiчных галiнах прафiсiяналаў, якiя маюцца ў суполках. 530 Важна, асаблiва
ў кантэксце катэхiзацыi, каб выкладанне сацыяльнай навукiбыло накiравана
на матывацыю дзейнасцi па эвангелiзацыi i гуманiзацыi зямных рэалiй. Бо ў гэтым
навучаннi Царква падае тэарытычныя i практычныя веды, якiя заахвочваюць iмкненне пераўтвараць
сацыяльнае жыццё, ва ўсё большай адпаведнасцi з яго боскай задумай. Сацыяльная катэхiзацыя
накiравана на выхаванне людзей, якiя, паважаючы маральны парадак, любяць сапраўдную
свабоду; на людзей, “якiя маглi б у святле iсцiны мець сваё ўласнае меркаванне аб
рэчах; дзейнiчаць з пачуццём адказнасцi i iмкнуцца да таго, каб сапраўдна i справядлiва
з ахвотай супрацоўнiчаць у гэтым з iншымi”. Выключную выхаваўчую вартасць набывае
сведчанне аб вопыце хрысцiянскага жыцця: “менавiта жыццё ў святасцi, якое
ззяе ва многiх членах Божага люду, пакорлiвых i часта нябачных, - найбольш просты
i прыцягальны шлях, iдучы якiм, магчыма непасрэдна зразумець прыгажосць iсцiны, вызваленчую
сiлу любовi Божай i вартасць безумоўнай вернасцi ўсiм патрабаванням закона Бога, нават
у самых цяжкiх абставiнах”.