Споўнiлася дваццаць пяць гадоў з моманту кананiзацыi айца Леапольда Мандзiча.
Дваццаць пяць гадоў таму, напрыканцы Святога года Адкуплення, Слуга Божы Ян Павел
II° узнёс да алтарнай хвалы святара закону айцоў-капуцынаў Леапольда Мандзiча. Ён
нарадзiўся ў Далмацыi, але больш за сорак гадоў пражыў у Iталii, спавядаючы вернiкаў
у падуанскiм кляштары капуцынаў. Айцец Леапольд быў выдатным святаром i законнiкам. “Ён
паходзiў з левантыйскага ўзбярэжжа Адрыатыкi, з гарадка Кастэлнуово, якi цяпер знаходзiцца
на тэрыторыi Чарнагорыi; праз усё жыццё ён захоўваў любоў да сваёй роднай зямлi, нават
тады, калi пераехаў у Падую на сваю новую радзiму, якая гасцiнна прыняла яго. Ён палюбiў
таксама i народ, якому прысвяцiў сваё цiхае служэнне”, - зазначыў Свяцейшы Айцец Павел
VI° пад час цэрымонii беатыфiкацыi а.Мандзiча 2 траўня 1976 года. “Ён аб’ядноўваў
у сабе гэту падвойную этнiчную iдэiнтычнасць, амаль зрабiўшы яе эмблемай сяброства
i братэрства. Больш таго, а. Леапольд апярэдзiў экумiнiзм, ён марыў i спадзваўся,
хаця ж i не рабiў канкрэтных крокаў у напрамку дасканалай еднасцi Царквы, якая надае
вялiкую ўвагу этнiчным асаблiвасцям сваiх членаў”, - зазначыў Папа Павел VI°. Абвяшчаючы
а. Леапольда Мандзiча святым, Ян Павел II° прадставiў яго “як святара, якi меў экуменiчны
дух такiх вялiкiх памераў, што штодзённа ахвяраваў сябе Пану Езусу, каб аб’ядналiся
да гэтага моманту падзеляныя памiж сабой Лацiнская i Заходняя Цэрквы”. Апярэджваючы
практыку так званага духоўнага экуменiзму, св. Леапольд жыў з уласным экуменiчным
паклiканнем, схаваным ад вачэй iншых. Яму належаць наступныя словы, якiя ён прамаўляў
са слязамi на вачах: “Буду мiсiянаром тут, у паслушэнстве, выконваючы маё служэнне”;
“Кожная душа, якая просiць маёй паслугi зробiцца ў той жа час маiм Усходам”, прамаўляў,
маючы на ўвазе эсхаталагiчны рай, якi па паданню знаходзiцца на Усходзе.