Масква: сустрэча кардынала Каспэра з Патрыярхам Аляксеям ІІ
Старшыня Папскае Рады да спраў Адзінства Хрысьціян сустрэўся ў Маскве з Патрырхам
Аляксеям ІІ. Ён перадаў кіраўніку расейскага праваслаў”я ліст ад Папы Бэнэдыкта
16. У часе сустрэчы кранута пытаньні, якія тычацца, між іншым, народжаных праваслаўных
дзяцей а выхоўваных у дзіцячых дамах ведзеных Каталіцкім Касьцёлам ды таксама праблему
так званае “кананічнае праваслаўнае тэрыторыі”, іншымі словамі праблему Вуніятаў
на Украіне. Аляксей ІІ выказаў упэўненасьць адносна неабходнасьці працягваньня
праваслаўна-каталіцкага дыялогу. Падкрэсьліў, што “ ў гэтым дыялогу стаўленьне абодвух
Касьцёлаў ў многіх справах зыходнае. Гэта тычыцца, напрыклад, маральнае, грамадзкае,
сямёйнае сфэраў, правоў чалавека і біяэтыкі”. Патрыярха Масквы і Усяе Русі дадаў,
што “дыялог павінен весьці да разьвіцьця праваслаўна-каталіцкага супрацоўніцтва ў
абароне хрысьціянскіх вартасьцей ў зсэкулярызаваным сьвеце”. Аб магчымай сустрэчы
Папы Бэнэдыкта 16 з Маскоўскім Патрыярхам не ўспомнена, хаця Аляксей ІІ сьцвердзіў,
што такія “сустрэчы павінны быць добра падрыхтаваныя, каб не сталіся толькі мэдыяльным
здарэньнем”.