Kosovë: BE-ja optimiste për ndarjen e roleve me OKB-në e NATO-n
(29.05.2008 RV)Vazhdojnë në Bruksel diskutimet ndërmjet Bashkimit Evropian,
OKB-së dhe NATO-s për administrimin e përbashkët të Kosovës. Problemi qëndron në zëvendësimin
e përsonelit ndërkombëtar me atë evropian të Eulexit, mision që duhej të kishte përfunduar
disllokimin në vend brenda 15 qershorit, dita e shpalljes së Kushtetutës kosovare.
Në të vërtetë, procesi mund të përfundojë në vjeshtë, për shkak të vështirësive ligjore
dhe të kundërshtimeve të Rusisë. Dje, sekretari i përgjithshëm i NATO-s, Jap De Hop
Skefer u takua në Nju Jork me homologun e tij në OKB, Ban Ki-Mun. Po mbi këtë argument,
nesër Ban Ki- Mun do të takohet në Stokholm me përfaqësuesin e lartë evropian për
politikën e jashtme dhe sigurinë, Havier Solana.