Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьвету. Была гэта 18-я сустрэча Бэнэдыкта 16-га з вернікамі
ў гэтым годзе. У сёньняшняй катахэзе Сьвяцейшы Айцец працягваў свой цыкл пра Айцоў
Царквы. Папа Бэнэдыкт 16 пазнаёміў усіх прысутных з постацю Сьвятога Рыгора, пазьнейшага
Рымскага Папы Нарадзіўся ён
у Рыме каля 540-га году ў сям”і рымскіх Патрыцыяў Гордыяна і Сыльвіі. Касьцёл ушаноўвае
іх як Сьвятых. Гэта яны запэўнілі Рыгору добрую хрысьціянскую фармацыю ды адукацыю.
Уплыў на ягоную духоўнасьць мелі таксама сёстры Гордыяна: Сьвятая Фарсылія ды Сьвятая
Эміліяна. У маладым возрасьце- працягваў Сьвяцейшы Айцец сёньняшнюю катахэзу- Рыгор
пачаў адміністрацыйную кар”еру, якая давяла яго да пасады Прэфэкта Рыму, значыць намесьніка
Імпэратара ў гэтым горадзе. Выконваў гэтыя абавязкі з вялікаю адданасьцю і мудрасьцю.
Адмовіўся аднак ад палітычнае кар”еры, каб астацца законнікам. Папа Пэлягій ІІ назначыў
яго дыяканам Рымскага Касьцёла і зрабіў сваім паслом на двары усходня-рымскага Імпэратара
ў Канстантынопалі. Яго заданьнем было адхіленьне монафізыцкага рознагалосься і атрыманьне
падтрымкі Імпэратара ў затрыманьні экспансіі Лонгобардаў. Затым Папа Пэлягій- працягваў
далей Сьвяцейшы Айцец- паклікаў Рыгора ў Рым і назначыў яго сваім асабістым сакратаром.
Калі Папа памёр у 590-м годзе на яго месца народ, Сэнат і рымскі клір аднагалосна
выбраў менавіта Рыгора. Хаця моцна адмаўляўся ад гэтага выбару прыняў яго як выклік
Божага Правіду. Як Папа Рыгор вызначаўся пасьпяховасьцю ў кіраваньні Касьцёлам у
духу справядлівасьці і міласэрнасьці. Вызначаўся вялікаю турботаю пра патрэбы бедных
ды поўнаю мудрасьці дыпламатыю, якую спалучаў з распаўсюджваньнем Эвангэльля. Яго
перагаворы з Лонгобардамі ды Візантыяю- сказаў на заканчэньне катахэзы Папа Бэнэдыкт
16- давялі да міру і да ўзмацаваньня хрысьціянства. Памёр Рыгор у 604-м годзе. Традыцыя
дала яму мянушку “Вялікі”.
На заканчэньне аўдыенцыі Сьвяцейшы Айцец прывітаў усіх вернікаў, асабліва хворых,
моладзь ды новыя шлюбныя пары, надзяляючы на ўсіх сваё Апостальскае Блаславенства.