Удзел у грэка-каталіцкай Літургіі, сустрэча з прэзыдэнтам Украіны ды Рыма-каталіцкая
Імша з працэсыяю Божага Цела—гэта галоўныя здарэньні з візыту Ватыканскага Сакратара
Стану ў Кіев. Кардынал Бэртонэ прыбыў там са Лвова, пасьля бэатыфікацыйных урачыстасьцей
законніцы Марты Вецкай. У сталіцы Украіны кардынал Бэртонэ сустрэўся 24-га мая
з кіраўніком грэка-католікаў, кардыналам Любомырам Гузарам. У нядзелю раніцай, 25-га
мая, ўдзельнічаў у Грэка-каталіцкай Літургіі. Пасьля яе быў прыняты Прэзыдэнтам Украіны
Віктарам Юшчэнкам. Для католікаў рымскага абраду, якія ўшаноўвалі гэтага дня ўрачыстасьць
Божага Цела, галоўным здарэньнем была Сьвятпя Імша ў каталіцкім саборы. Прыбылі на
яе вернікі з шасьці парафій Кіева. У казаньні кардынал Бэртонэ спаслаўся да сёмае
гадавіны візыту Папы Яна Паўла ІІ на Украіну. “Успамінаючы гэтае здарэньне- сказаў
кардынал Бэртонэ- мы ўсе разам павінны пацьвердзіць ажыцьцяўляньне праграмы, якую
тады нам даручыў Ян Павал ІІ, прыбываючы як “пілігрым прымірэньня, ажыўлены жаданьнем
узмацаваньня братоў у веры і сьведчаньня аб намаганьнях Каталіцкага Касьцёла ісьці
дарогаю адзінства”. Пасьля Сьвятой Імшы кардынал Бэртонэ старшынстваваў працэсыі
Божага Цела вуліцамі Кіева.