У адным з папскiх унiверсiтэтаў Рыма арганiзаваны курс для маладых журналiстаў.
Навучыць маладых людзей, якiя займаюцца сродкамi камунiкацыi, працаваць у галiне
мiсiянарства сярод прадстаўнiкоў розных культур i рэлiгiй. Такую мэту мае адпаведны
курс I узроўня (так званы, “мастер-клас”), удзельнiкi якога блiжей пазнаёмяцца з праблемамi
“мiжкультурнага” i мiсiянарскага характара. Курс арганiзаваны Папскiм Урбанiянскiм
унiверсiтэтам, якi знаходзiцца ў Рыме. 15 траўня, пад час канфярэнцыi на тэму “Камунiкацыя,
iнтэркультура, мiсiя” была праведзена яго прэзентацыя. На канфярэнцыi, сярод iншых,
прысутнiчалi: монс.Клаудзiо Марыя Челлi, Старшыня Папскай рады да спраў сацыяльных
камунiкацый; вядомы iтальянскi тэлежурналiст Бруно Веспа; розныя спецыялiсты ў галiне
СМI з Афрыкi, Лацiнскай Амерыкi i Iталii. Мастер-клас арганiзаваны ў супрацоўнiцтве
з Радыё Ватыкана, Sat 2000, Radioinblu, iнфармацыйным агенствам Sir i iншымi iнфармацыйнымi
ўстановамi. Займацца на iм будуць маладыя святары i свецкiя вернiкi. “Мэта “мастер-класа”,
- паяснiў а.Лука Пандольфi, кiраўнiк Цэнтра сацыяльнай камунiкацыi Урбанiянскага унiверсiтэта
i згаданага курса, - пазнаёмiць навучэнцаў з этычнымi, сацыяльна-антрапалагiчнымi
i царкоўнымi праблемамi з пункту гледжання кiравання сродкамi масавай iнфармацыi”
i даць iм практычныя веды аб логiцы вытворчасцi, рэалiзацыi i эканамiчнага кiраўнiцтва
перыядычным выданнем, прэс-цэнтрам, радыё i мясцовым тэлебачаннем ва ўмовах недахопу
матэрыяльных сродкаў ды належнага сучаснага абсталявання. Курс будзе працягвацца
13 месяцаў. Заняткi пачнуцца ў лiстападзе 2008 года, скончацца ў снежнi 2009 года.
Ён разлiчаны на 432 гадзiны лекцый i семiнараў, 84 гадзiны лабараторных прац пры розных
iнфармацыйных установах.