Прапануем вашай увазе чарговыя старонкi з Кампендiума сацыяльнай дактрыны Царквы.
515 Прафанацыя i блюзнерства – аб’яўляць сябе тэрарыстамi ў iмя Бога: такiя
людзi выкарыстоўваюць як сродак не толькi чалавека, але i Бога, бо прэтэндуюць на
валоданне поўняй Яго iсцiны, заместа таго каб iмкнуцца аддаць сябе ёй. Называць “пакутнiкамi”
тых, хто памiрае, здзяйсняючы тэрарыстычны акт, - значыць перакручваць паняцце пакутнiцтва
– сведчанне такога чалавяка якi прыймае смерць, каб толькi не адмовiцца ад Бога i
Яго Любовi, а не такога, якi забiвае ў iмя Бога. Нiякая рэлiгiя не можа мiрыцца
з тэрарызмам i, тым болей, прапаведваць яго. Наадварот, рэлiгii забавязаны супрацоўнiчаць
дзеля выкаранення прычын тэрарызму. I дзеля сцверджання сяброўства памiж народамi. IV.
Уклад Царквы ў справу мiру. 516 Умацаванне мiру ў свеце – неадрыўная частка
мiсii, пры пасрэднiцтве якой Царква працягвае адкупляльную справу Хрыста на зямлi.
Бо Царква, у Хрысце, - “таямнiца”, значыць знак i iнструмент мiра ў свеце i
для света”. Умацаванне мiру – выява хрысцiянскай веры ў любовi, якую Бог мае да
кожнага чалавека. З вызваляючай веры ў любоў Бога бяруць пачатак новае бачанне свету
i новы падыход да iншых, няхай гэта будзе асобны чалавек цi цэлы народ. Гэта вера
пераўтварае i аднаўляе жыццё, натхнёная мiрам, якi Хрыстус пакiнуў сваiм вучням (пар.
Ян 14, 27). Кiруючыся выключна гэтай верай, Царква iмкнецца ўмацоўваць еднасць
хрысцiянаў i плённае супрацоўнiцтва з вернiкамi iншых рэлiгiй. Рэлiгiйныя адрозненнi
не могуць i не павiнны быць нагодай да канфлiктаў; наадварот, калi ўсе вернiкi будуць
супольна шукаць мiру, гэта магутная крынiца еднасцi памiж народаў. Царква заахвочвае
людзей, народы, дзяржавы i нацыi падзялiць яе клопат аб аднаўленнi i ўмацаваннi мiру,
у прыватнасцi, важную ролю мiжнароднага права. 517 Царква вучыць, што толькi
прабачэнне i прымiрэннеробяць магчымым сапраўдны мiр. Нелёгка прабачаць,
калi бачацца наступствы вайны i канфлiктаў, бо насiлле – асаблiва калi яно вядзе “у
бездань нялюдзкасцi i адчаю”, - заўсёды пакiдае пасля сябе цяжкi груз болю, якi здолее
наталiць толькi паглыбленае разважанне, шчырае i мужнае, агульнае для тых, што змагаюцца
адзiн супраць iншага. Такое разважанне дазваляе сустрэць цяжкасцi сучаснасцi ў такiм
духе, якi ачышчаны пакаяннем. Бярэмя мiнуўшчыны нельга забыць; яго магчыма прыняць,
толькi калi ёсць прабачэнне, якое мы прапануем адзiн аднаму i прыймаем адзiн ад аднаго.
Гэта доўгi i цяжкi шлях, але прайсцi яго магчыма. 518 Узаемнае прабачэнне не
павiнна а нi адмяняць патрабаваннi справядлiвасцi, а нi, тым болей, перагарожваць
шлях да iсцiны: наадварот, справядлiвасць i iсцiна неабходны для прымiрэння. Добрымi
з’яўляюцца iнiцыятывы заснавання мiжнародных судовых устаноў. Гэтыя ўстановы, карыстаючыся
прынцыпам унiверсальнай юрысдыкцыi i на аснове належных працэдур, якiя прадугледжваюць
захаванне праў абвiнавачаных i ахвяраў, могуць выявiць iсцiну аб злачынствах, здзейсненых
пад час узброеных канфлiктаў. Аднак, каб аднавiць узаемаадносiны пад знакам прымiрэння
памiж разнымi народамi, недастаткова акрэслiць злачынныя паводзiны, што маюць на ўвазе
дзеянне i бяздзеянне, i прыняць рашэнне аб рэпарацыях. Неабходна, акрамя таго, умацоўваць
павагу да права на мiр; гэта права “спрыяе пабудове грамадства, у якiм адносiны
з пазыцый сiлы саступаюць месца супрацоўнiцтву, накiраванаму на агульнае дабро”. 519
Царква змагаецца за мiр малiтвай. Малiтва адкрывае сэрца не толькi для глыбокiх
адносiнаў з Богам, але i насустрач блiзкаму – пад знакам павагi, даверу, паразумення,
шанавання i любовi. У малiтве набываюць мужнасць i падтрымку “усе сапраўдныя сябры
мiру”, якiя iмкнуцца сцверджваць яго ў разнастайных абставiнах свайго жыцця. Лiтургiчная
малiтва – “гэта вяршыня, да якой iмкнецца дзейнасць Царквы, а разам з тым i крынiца,
з якой паходзiць уся яе сiла”. У прыватнасцi, здзяйсненне Эўхарыстыi, якая ёсць “крынiцай
i вершыняй усяго хрысцiянскага жыцця”, наталяе ўсялякi сапраўдны хрысцiянскi клопат
аб мiры. 520 Сусветныя Днi Мiра - гэта свята, адзначанаеасаблiва
гарачымi малiтвамi аб наданнi мiру i iмкненем пабудаваць мiрнае грамадства. Папа
Павел VI° заснаваў iх з мэтай “прысвяцiць разважанням аб мiры i аб мiрных iнiцыятывах
пад час асаблiвага свята ў першы дзень цывiльнага года”. Штогадовыя папскiя
Пасланнi з гэтай нагодыў’яўляюць сабой багатую крынiцу аднаўлення i
развiцця сацыяльнай навукi i сведчаць аб трывалай пастырскай дзейнасцi Царквы
на карысць мiру: “Сцвярджаць мiр магчыма толькi ў духу мiру – неадрыўнага ад абавязкаў
справядлiвасцi, але насычанага самаахвяраваннем, мiласцю, мiласэрнасцю i любоў’ю”.