Сацыяльны Тыдзень упершыню пройдзе гэтым летам у Львове. У прынагоднай канфярэнцыі
прыме ўдзел галава Украінскай грэкакаталіцкай Царквы кардынал Любамір Гузар. Сярод
іншага будуць выкладацца спосабы адшукання партнёраў і спонсараў для дабрачынных праграм.
Госці з Францыì і Італіі падзеляцца з удзельнікамі вопытам хрысціянскай сацыяльнай
палітыкі і канкрэтнай дапамогі патрабуючым. Арганізуюць сустрэчы Інстытут экуменічных
даследванняў і Інстытут рэлігій і грамадства Украінскага каталіцкага універсітэта,
Львоўскі гарсавет у партнёрстве з Сусветнай радай Цэркваў з Жэневы і Папскай Радай
"Справядлівасць і мір". Гаворка пойдзе аб сумяшчэнні намаганняў хрысціянскіх і яўрэйскіх
грамадзянскіх дабрачынных арганізацый; тлдумачэнне сацыяльнай дактрыны Касцёла і іншых
хрысціянскіх Цэркваў для сучаснага грамадства ва ўплыве на прыняццё палітычных і гаспадарчых
рашэнняў на розных узроўнях; заахвочванне моладзі для ўдзелу ў рэалізацыі сацыяльных
праграм. Адбудуцца курсы па навучанню працы з рознымі катэгорыямі: безпрызорнымі
дзецьмі і старымі, інвалідамі і бомжамі. Тыдзень пройдзе, нагадаем, у Львове з 9 па
15 чэрвеня гэтага году.