Новы кіраўнік Рускае Праваслаўнае Царквы за-мяжою

Стаў ім дагэтуляшні арцыбіскуп Сыднэю Гілярыён Капраль, які быў таксама арцыбіскупам аўстралійска-новазэляндзкім. Выбрана яго 12-га мая на Арцыбіскупскім Сынодзе, які адбыўся ў Юрданвіль, блізка Ню Ёрку. Новы кіраўнік замесьціць на гэтай пасадзе памёршага 16-га сакавіка, гэтага году, мітрапаліта Лаўра, якога найбольшаю заслугаю было давядзеньне да кананічнага абьяднаньня з Маскоўскім Патрыярхатам.
Гілярыён Капраль нарадзіўся ў 1948-м годзе ў Канадзе, ў сям”і ўкраінскіх эмігрантаў з Валыня. У 1967-м годзе закончыў Духоўную Сэмінарыю ў Юрданвіль. У 1995-м годзе стаў біскупам Вашынгтону а год пазьней арцыбіскупам Сыднэю ды аўстралійска-новазэлягдзкім. Пасьля стмерці Лаўра выконваў абавязкі старшыні Сыноду Рускае Праваслаўнае Царквы за-мяжою.
Паводле прынятага законнага парадку пасьля абьяднаньня абедзьвух частак рускага праваслаў”я выбар арцыбіскупа Гілярыёна Капраля павінен зацьвердзіць Патрыярха Аляксей ІІ