Solemniteti i Rrëshajëve 2008: Papa do të kryesojë Meshën në Vatikan.
(10.05.2008 RV)Nesër Kisha do të kremtojë Solemnitetin e Rrëshajëve. Në orën
10.00 Benedikti XVI do të kryesojë Meshën Shenjte në Bazilikën e Vatikanit. Kujtojmë
se është festa e ndikimit të Shpirtit Shenjt mbi bashkësinë e krishterë, për forcimin
e besëlidhjes, vulosur nga prania e Krishtit të ngjallur, të pranishëm përmes Shpirtit
të Tij e Fjalës së Tij. E kjo prani krijon mundësinë që Kisha të mos jetë thjeshtë
një strukturë, një organizatë, por një trup i vetëm, që jeton me Zotin e vet.