Кардынал Пелль гаворыць аб этнiчскай "чыстцы" у Iраку.
Хрысцiяне Iрака, якiя жывуць у гэтай краiне на шмат гадоў раней да прыняцця ў ёй
iсламу часта робяцца ахвярамi тэрарыстычных актаў, ад якiх iх не могуць баранiць супрацоўнiкi
аховы правапарадку. Згодна з меркаваннем кардынала Жоржа Пелля, арцыбiскупа Сiднэя,
становiшча iракскiх хрысцiянаў робiцца ўсё больш складаным. Сярод шматлiкiх трагедый,
кардынал прыпамiнае забойства халдэйскага арцыбiскупа Массула, монс. Раххо, цела якога
было знайдзена 12 сакавiка, i забойства а.Ганнi разам з 3 дыяканамi ў чэрвенi мiнулага
года. Кардынал Пелль прыпамiнае таксама iншыя раны, якiя былi нанесены Царкве i абавязак
хрысцiянаў выплочваць так званыя “падаткi”, каб мець ахову. “У сувязi з гэтым,
эмiграцыя шматлiкiх хрысцiянскiх семьяў з Блiзкага Усходу, - дадае арцыбiскуп Сiднэя,
- гэта яшчэ адзiн прыклад этнiчнай чысткi”. Сучасная iракская трагедыя ёсць наступствам
вайны, якая не мае маральнага апраўдання. Кардынал Пелль зазначыў, што Iрак пры
Садаме Хусэйне не меў незаконнай хiмiчнай зброi i не падтрымлiваў мiжнародны тэрарызм.
У той жа час, пасля вайны, унутраная сiтуацыя ў краiне зрабiлася больш цяжкай таксама
дзякуючы праблемам памiж рознымi iсламскiмi рухамi. Нягледзячы на гэта, iракскiя
хрысцiяне працягваюць сведчыць сваю веру. А некаторыя маладыя вернiкi чакаюць з нецярплiвасцю
магчымасцi прыняць удзел у Сусветным дне моладзi, якi пройдзе ў Сiднэi з 15 да 20
лiпеня бягучага года.