У сераду вечарам, 7-га мая, ў Зале імя Папы Паўла 6-га адбыўся канцэрт аркестра
фільгармоніі з Пэкіну ды хору оперы з Шангаю. Яны выканалі “Requiem” Вольфганга Амадэўша
Мозарта. На думку многіх ватыканістаў гэта быў безпрэцэдэнтны падарак для Папы з
боку камуністычных уладаў Кітаю. “Хай наш канцэрт будзе пасланьнем міру і любові”-
сказаў вітаючы Бэнэдыкта 16 дырыжор Лонг Ю. Зьвяртаючыся да музыкаў Сьвяцейшы Айцец
заўважыў, што іхняя прысутнасьць ды майстэрскае выкананьне музычных твораў зьяўляецца
для яго нагодаю да кантакту з рэчаіснасьцю Кітаю. Музыка і мастацтва могуць быць
упрывілеяванаю прыладаю сустрэчы ды ўзаемнага пазнаньня а таксама пашаны розных народаў
і культур. Бэнэдыкт 16 падкрэсьліў, што музыка выказвае ўсебаковыя чалавечыя пачуцьці,
ў гэтым таксама рэлігійныя, якія пераходзяць межы паасобных культур. «Дарагія кітайскія
артысты- зьвярнуўся Сьвяцейшы Айцец да іх- Рымскі Папа жадае сімвалічна прыняць цэлы
ваш народ, памятаючы асабліва пра вашых землякоў, якія разам з намі вызнаюць веру
ў Ісуса і ёсьць злучаныя з Наступнікам Сьвятога Пятра асабліваю духоўнаю сувязю.
Дзякую вам яшчэ раз за гэты незвычайна мілы падарунак. Вітаю за вашым пасрэдніцтвам
усіх жыхароў Кітаю, якія падрыхтоўваюцца да Алімпійскіх Гульняў- здарэньня аб вялікім
значэньні для ўсяго чалавецтва- сказаў Папа.