Kondolica Rajs në Lindjen e Mesme për paqen izraelito-palestineze
(05.05.2008 RV)Tibetianët refugjatë në Indi pranuan me dëshirë, por edhe me
kujdesin e detyrueshëm, impenjimin e Kinës për të vazhduar diskutimet mbi krizën e
Tibetit, të nesërmen e bisedimeve ndërmjet përfaqësuesve të Pekinit dhe të dërguarve
të liderit të tyre shpirtëror, Dalai Lama. Takimet u zhvilluan me dyer të mbyllura
në Shenzhen, në Kinën jugore. Deklarata që ata do të kishin preferuar është lajmi
i Kinës se ka marrë fund shtypja e dhuna në Tibet.
Sekretarja e shtetit, Kondolica
Rajs ndodhet që nga e shtuna në Lindjen e Mesme për bisedime të reja mbi çështjen
palestineze. Sot janë takuar kryeministri izraelit Ehud Olmert dhe presidenti i Autoritetit
Palestinez, Abu Mazen. Olmert ishte takuar më parë me Kondolica Rajs. Kryeministri
izraelit është aktualisht objekt i të pestit hetim nga ana e policisë për shpërdorime,
por është impenjuar se do të vazhdojë bisedimet për paqen. Bisedimet e sotme janë
përkufizuar si më seriozet e kohëve të fundit. Janë bërë hapa përpara përsa i përket
dy çështjeve: përcaktimit të kufirit të shtetit të ardhshëm palestinez dhe ndarja
e kompetencave ndërmjet tij dhe Izraelit në çështjet e sigurisë.