Përshëndetja e Papës drejtuar lëvizjes kishtare ‘Përtëritja në Shpirtin Shenjt’, mbledhur
në Rimini për Takimin e 31-të italian.
(02.04.2008 RV)“Me kënaqësi të thellë ju drejtoj përshëndetjen, që shpreh afërsinë
shpirtërore të Benediktit XVI, duke kujtuar se Papa e ndjek me vëmendje të madhe baritore
rrugën në të cilën ecin lëvizjet kishtare”. Me këto fjalë hapet mesazhi i gjatë, drejtuar
lëvizjes ‘Përtëritja në Shpirtin Shenjt’, nënshkruar nga kardinali Tarçizio Bertone,
sekretar i Shtetit të Vatikanit. Letra u shkrua me rastin e Takimit të 31-të italian,
që u hap dje pasdite në Panairin e Riminit, me temë “Të rilindur nga Fjala e Hyjit’.
Marrin pjesë 20 mijë vetë, përfaqësues të 1.900 grupeve e bashkësive të lëvizjes kishtare
‘Përtëritja në Shpirtin Shenjt’, nga e gjithë Italia.