Mijëra besimtarë nderojnë reliket e Shën Piut nga Pietrelçina
(24.04.2008 RV)Atmosferë jashtëzakonisht emocionante sot në San Giovanni Rotondo,
në Italinë jugore, ku trupi i Shën Piut nga Pietrelçina u ekspozua për t’u nderuar
nga besimtarët. Para ekspozimit, kardinali Zhoze Saraiva Martins, prefekt i Kongregatës
për Çështjet e Shenjtorëve, kryesoi Meshën solemne, duke theksuar se shenjti kapuçin
jetoi në bashkim me Krishtin e Kryqëzuar, në sa tani jeton me Krishtin e Ngjallur.
Reliket - shtoi Hirësia e Tij – kumtojnë krijesën e re, që lind në bashkim me të Ngjallurin”. E
ndiqte një popull, mbledhur rreth elterit për të jetuar misterin e fesë e për të kremtuar
shenjtërinë e krijesave, që dinë të hyjnë në zemër të këtij misteri.