Më 9 korrik Shqipëria dhe Kroacia pritet të nënshkruajnë zyrtarisht anëtarësimin në
NATO
Në selinë e NATO-s në Bruksel zhvillohet raundi i parë i bisedimeve për anëtarësimin
e Shqipërisë në organizatën veriatlantike. Pas ftesës që Shqipëria së bashku me Kraocinë
mori në samitin i Bukureshtit për t'u bërë anëtare e kësaj Aleance, këto bisedime
shënojnë pjesën procedurale që duhet të ndiqet për t'u realizuar anëtarësimi. Sipas
BBC-së pritet të zhvillohen disa raunde bisedimesh dhe ato, sipas një planifikimi
në NATO, duhet të përfundojnë deri në muajin korrik të këtij viti. Pritet që më 9
korrik Shqipëria dhe Kroacia, që morën ftesën në Bukuresht, të nënshkruajnë zyrtarisht
anëtarësimin në NATO. Pas kësaj date fillon procedura e ratifikimit të anëtarësimit
nga të gjitha vendet anëtare të NATO-s, procedura që zgjasin rreth një vit. Pritet
që në samitin e ardhshëm të NATO s, që zhvillohet në dy qytete, Strasburg të Francës
dhe Kiell të Gjermanisë, Shqipëria dhe Kroacia të marrin pjesë si anëtare me të drejta
të plota të organizatës.
Kryeministri Sali Berisha e ka cilësuar votimin
e paketes kushtetuese në Kuvend të Shqipërisë si nje arritje te madhe politike dhe
hodhi poshte se ne nenet e ndryshuara jane prekur kompetencat e Presidentit. Në
fjalën e tij gjatë mbledhjes se sotme të qeverisë, Berisha theksoi se Kuvendi para
dy ditësh firmosi kushtetuten me moderne të kohërave dhe se me votimin për të u arrit
konsensusi me i gjërë politik i parë këto 17 vitet e fundit. “Ata që thonë se vendos
kryetari i qeverisë janë të mjerë. Parlamenti përfaqëson sovranitetin. Me votimin
e sistemit zgjedhor proporcional i dhamë fund kushtetutës së inateve”, tha Berisha.
Kryeministri mbrojti dhe ndryshimet per nenet mbi Presidnetin duke sqaruar se
paketa kushtetuese e re nxorri përfundimisht jashte krize institucionin e presidences.
“Asnje kompetence e presidentit nuk ehte prekur”, siguroi ai.