У нядзелю 20 красавіка Бэнэдыкт 16 адведаў "Ground Zero"
Папа адведаў Блізьнячыя Вежы, каб аддаць пашану ахвярам трагэдыі з 11-га верасьня
2001-га году. Арганізатары паломніцтва Папы ў ЗША задбалі пра тое, каб візіт Сьвяцейшага
Айца ў гэтым месцы быў у прыватнай форме ды камэральны. У месцы былых вежаў цяпер
знаходзіцца 80-ці мэтровы кратэр. Менавіта на самае ягонае дно прыбыў Бэнэдыкт 16
,з кардыналам Эганам, бурмістрам і губэрнатарам Нью Ёрку ды 24-а іншымі асобамі,
якія прадстаўлялі загінуўшых. Папа ўкленчыў на некалькі хвілін ціхае малітвы.
Запаліў сьвечку. Затым ужо голасна, ў “месцы неверагоднага насільля і болю” прачытаў
малітву памяці, якая ўпрошвала Бога любові, спачуваньня і аздараўленьня. Памятаў
аб ахвярах ды іхніх сем”ях, таксама і аб тых, якія 11-га верасьня загінулі ў Пэнтагоне,
ў Шанксвільле, ў Пэнсыльваніі. Сьвяцейшы Айцец маліўся за суцяшэньне і ўзмацненьне
надзеі. Прасіў мудрасьці і адвагі для нястомных намаганьняў у карысьць міру паміж
народамі ды ў чалавечых сэрцах. Пасьля малітвы Бэнэдыкт 16 пасьвяціў месца трагэдыі,
скрапляючы яго асьвячанаю вадою.