Эўхарыстыя на гэтым стадыёне была завяршэньнем Апостальскага Падарожжа Папы ў
ЗША. Ужо раней навежалі гэты стадыён: Папа Павал VI у 1965-м годзе ды Ян Павал ІІ
ў 1979-м годзе. Імша на “Yankee Stadium” была юбілейнаю Літургіяю. Два стагоддзі
таму назад Папа Пій 7 паднёс адзіную амэрыканскую дыяцэзыю Бальтімор да рангу архідыяцэзыіі,
ды ўстанавіў чатыры дыяцэзыі: ў Бостоне, Нью Ёрку, Філядэльфіі ды ў Люісвільл. Прыпомніў
аб гэтым, вітаючы Папу, кардынал Эган. Ён далей сказаў: “Сьвяты Ойча, вітаем у Нью
Ёрку. Твой пастырскі візіт ёсьць для нас усіх, тут сабраных, вялікім блаславенствам,
за якое мы глыбока ўдзячныя”. Падзячную Сьвятую Імшу саслужылі з Папам герархі і
сьвятары з усіх 195-ці амэрыканскіх дыяцэзый. У сваім казаньні, ў часе Сьвятой
Імшы, Папа Бэнэдыкт 16 гаварыў аб свабодзе. Прыпомніў вялікае разьвіцьцё Каталіцкага
Касьцёла ў гэтай краіне, якая так цэніць свабоду. Спаслаўся да 2-т сотавай гадавіны
першай мітраполіі ЗША. Папа падкрэсьліў, што ўсе вонкавыя структуры і праграмы
Касьцёла маюць служыць яго ўнутранай еднасьці ў Хрысьце. Гэтая еднасьць абапіраецца
на аўтарытэце Апосталаў і паслухмянасьці веры. Далей Сьвяцейшы Айцец зьвярнуў
увагу, што католікі ЗША цешацца не толькі свабодаю практыкаваць сваю веру, але таксама
поўнага ўдзелу ў грамадзкім жыцьці. Могуць узносіць на публічны форум свае маральныя
перакананьні ды супрацоўнічаць ў суродзічамі ў фармаваньні дэмакратычнага грамадзтва.
Павінны разважна карыстацца свабодаю, каб будаваць поўную надзеі будучыню наступных
пакаленьняў. Маюць перамагаць падзелы паміж вераю а жыцьцём, таксама палітычным жыцьцём.
Як навучае Другі Ватыканскі Сабор: “ ніякая чалавечая дзейнасьць, нават у сучасных
справах, не можа быць вынятаю з пад улады Бога”. Сьвяцейшы Айцец падкрэсьліў, што
ў Хрысьце маюць аснову нязменныя праўды. Толькі яны ў стане гарантаваць пашану годнасьці
і правоў кожнага чалавека, ў гэтым таксама найбольш безабароннага, якім ёсьць дзіця
ва ўлоньні маці- зазначыў Бэнэдыкт 16.