Вечар 17.04.08. "Школьнае апостальства -важнейшы этап служэння Царквы." Папа сёння
неаднаразова падкрэсліў вялізную ролю адукацыі ад дзяцінства да старасці як асноўную
місію Царквы для ўкладу ў разуменне сэнсу і мэты жыцця чалавека і людзства. Вера і
розум - праз крыж Хрыста ёсць сучасным этапам касцёльнага навучання.
Пасля абеду Бенедыкт
16 моцна падзякваў усім працаўнікам службы бяспекі, якія старанна ахоўваюць месцы
хрысціянскіх сустрэч з Рымакаталіцкім галавою. Блізка 5-й гадзіны(у Беларусі будзе
поўнач) Бенедыкт 16 прыбудзе да Амерыканскага каталіцкага універсітэту ў Вашынгтоне.
Сёння гэтая ВНУ мае 80 факультэтаў - ад тэалагічнага і філасофскага да медычных і
фіз-матэматычных.Мае моцную аспірантуру і дактарантуру У гэтым універсітэце бываў
Папа Ян Павел 2 у 1979 годзе. Дарэчы, прыгадаем, напрыканцы святой Імшы сёння раніцай
Папа Бенедыкт 16 паблаславіў камень у фундамант школы "Вялікі Ян Павел 2" і алтар
для гэтай школы ў штаце Вірджынія і камень у фундамент новай Капліцы "Тамаш Аквінскі"
у Каліфорніі. Пасля сустрэчы са студэнтамі і выкладчыкамі універсітэту Папа пераедзе
да вашынгтонскага культурнага цэнтру імя Папы Яна Паўла 2, дзе сустрэнецца з 200мі
прадстаўнікамі розных рэлігій, якія запрошаныя на сустрэчу праз адказнага за экуменічны
кантакт і міжрэлігійны дыялог ад Біскупскай Канферэнцыі краіны монс. Рыхарда Скібу.
Асобна Папа коратка пагутарыць з прадстаўнікамі юдэйскай грамады Амерыкі і перадасць
ім сваё прывітальнае пасланне з нагоды яўрэйскай Пасхі, што распачынаецца ў суботу
19 красавіка.