У часе свайго апостальскага візіту ў ЗША Бенедыкт 16 наведае сінагогу ў Нью Йорку
і на спецыяльнай сустрэчы ў Вашынгтоне павіншуе юдэйскую грамаду з яўрэйскай Пасхай.
У гэтым горадзе Папа адзначыць свой 81 Дзень нараджэння.
Каб адпаведна сустрэць Папу Рымскага ўсе хрысціяне Злучаных Штатаў Амерыкі вядуць
годную падрыхтоўку жаданага госця. 16 красавіка, у дзень народзінаў, Папа ўзначаліць
Святую Імшу на спецыяльным алтары, які ўзводзяць пад адкрытым небам з любоўю католікі.
Пра гэта расказаў дырэктар прэсавай Залі Ватыкану айцец Федэріко Ласмбардзі, паясніўшы
іншыя падрабязнасці для журнналістаў. У прыватнасці, аб сустрэчах з прадстаўнікамі
юдэйскай грамады, якія не былі прадугледжаны папярэдняй праграмай. Адным
з важных аспектаў прыняцця Свяцейшага Айца з'яўляецца гарантаванне бяспекі. Так,
напрыклад, ў планах не можа быць праезду Бенедыкта 16-га ў папскім спецыяльным аўтамабіле
для вітання з людзьмі, як гэта рабілася Папам Янам Паўлам 2-м у 1979 годзе. Пасля
nàhfrnfo11 верасня 2001 года ўсё змянілася. Сустрэчы з вернікамі, прадстаўнікамі парафій,
рухаў, асацыяцый будуць забяспечаныя спецыяльнай аховай. Арцыбіскуп Пьетро Самбі,
Апостальскі нунцы ў ЗША, сцвердзіў асаблівы Царкоўны памер падзеі. Гэтая пастырская
паездка дасць энергію для ўмацавання веры, надзеі і любові ў Царкве Амерыкі і непасрэдна
ў людзях,- зазначыў ён. Важнымі этапамі візіту стануцца і сустрэчы з прэзідэнтам Бушам
ды, асабліва, прамова Папы ў ААН.