У Iраку помняць аб мiратворчай дзейнасцi Яна Паўла II°.
- “Гэта быў геральд мiру, якi нiколi нi спыняўся выступаць супраць вайны. Ён зрабiў
усё магчымае каб пазбегнуць канфлiктаў на ўсёй планеце, але асаблiва прыпамiнаю яго
намаганнi каб не дапусцiць вайну ў Iраку, Iране, у Персiдскiм залiве, высiлкi, якiя
i сёння застаюцца актуальнымi”, - гэтыя словы аб Яне Паўле II° належаць монс. Шлеману
Вардунi, дапаможнаму бiскупу Багдада. Прыпамiнаючы Папу Вайтылу праз тры года пасля
яго смерцi, iракскi бiскуп зазначыў, што сёняшняя сiтуацыя ў яго краiне ёсць вынiкам
таго, што ў свой час “нiхто не пажадаў выслухаць словы Свяцейшага Айца, якi казаў,
што вайна прыводзiць толькi да зла i не вырашае нiякiх праблем. Каб зразумець тое,
што ён хацеў сказаць, сёння хопiць прайсцiся па зруйнаваных вулiцах Кiркука, Багдада,
Массула”. “Я прыпамiнаю, - працягнуў сваю думку бiскуп Вардунi, - калi Ян Павел II°
накiраваў сюды, у Iрак, свайго прадстаўнiка – кардынала Рожэ Этчегарая, якому было
даручана паспрабаваць не дапусцiць вайну. Усе iракцы яшчэ i цяпер памятаюць высiлкi
Свяцейшага Айца, у якога яны просяць заступнiцтва i ўстанаўлення мiру”. У тым,
што тычыцца выкрадання i смерцi монс. Раххо, арцыбiскупа г. Массул, бiскуп Вардунi
зазначыў, што на сёняшнi момант “няма нiякiх навiнаў аб правядзеннi следства, нiхто
не кажа нiчога ў той час як хрысцiяне правiнцыi Массул арганiзуюць дэманстрацыi з
патрабаваннем устанаўлення справядлiвасцi. Хто сёння можа гарантаваць справядлiвасць
у Iраку? Магчыма каалiцыйнае войска цi ўрад? Нiхто нiчога не робiць для нас!”, - сказаў
дапаможны бiскуп Багдада.