(01.04.2008 RV)Më 18 prill Benedikti XVI do të kryesojë një lutje ekumenike
në Kishën e Shën Jozefit, në zonën e Manhatanit. Lajmin e jep departamenti i komunikmit
i Konferencës ipeshkvnore të SHBA, që shton edhe hollësitë e kësaj ngjarjeje: do të
jenë të pranishëm 250 udhëheqës të kishave protestante e ortodokse amerikane. Benedikti
XVI do t’u drejtojë fjalën pas leximit të një fragmenti nga letra e Shën Palit drejtuar
Efesianëve (4, 1-6).Në përfundim të takimit, Ati i Shenjt do të përshëndesë
disa nga udhëheqësit e kishave motra, ndërmjet të cilëve, kryepeshkopin Demetrios,
primat i Kishës ortodokse në Amerikë dhe hekzarkun e Patriarkanës Ekumenike, Primatin
e Kishës armene amerikane, kryepeshkopin Khajag Barsamian si dhe përfaqësues të lartë
të kishës luterane, të kishave të reformuara të Amerikës, të kishave presbiteriane,
metodiste, pentekostale dhe evangjelike. Kujtojmë se Papa do të jetë shtegtar
në Amerikë më 15 deri më 21 prill 2008.