Manifestime pro Tibetit në Indi e Nepal

(01.04.2008 RV)Mbetet i lartë tensioni në Tibet. Burime kineze flasin për arrestime të reja, pas zjarrit të vënë në kryeqytetin Lhasa. Që nga fillimi i manifestimeve numri i tyre ka arritur në 400. Edhe në Nepal janë arrestuar rreth 50 murgjër budistë dhe refugjatë tibetanë, që protestonin para ambasadës kineze në Katmandu. Ndërkaq, kapiteni i kombëtares së futbollit në Indi ka bërë të ditur se nuk do ta mbajë pishtarin e flakës olimpike, kur të vijë në vendin e tij më 17 prill, në shenjë proteste për çështjen tibetane.